影片
更多
2024-03-27
118 浏览
出開旺角去銀行處理事務，就喺銀行中心隔離嘅大廈搵嘢食.原來幢大廈已經經過大裝修同以前去好唔同，呢度真係細細個已經嚟食嘢，尤其係中學嗰陣成日出旺角行街買衫同朋友食嘢. 見到廣告牌幾吸引，就去咗樓上嘅韓燒大叔. 不過唔想食韓燒咁熱氣，我哋就叫咗韓式套餐定食. 套餐有三個泡菜前菜、非酒精飲品、主食同埋湯. 最平$78-$88起就有啦都有成10個八個餐選擇，啱晒想平平哋食晏又有啲要求嘅朋友，都係貴過去食連鎖餐廳同埋茶記少少咋，又坐得闊落啲.想再食好啲，百零蚊至百幾蚊就會有更豐富嘅菜式，好似部隊鍋、人蔘雞等等. 湯有兩個選擇，分別係泡菜豬肉湯同埋韓式蘿蔔湯，兩個人可以叫齊兩份一齊分享. 前者微辣開胃，後者香甜清新，係好好嘅互補. 泡菜總共有八款，我哋揀咗六款唔同嘅可以樣樣試少少. 飲品我哋叫咗蘆薈汁同埋梳打水. ⭐️炆牛肋骨飯牛肋骨炆煮得入味好腍好易咬開，肉質嫩滑. 個醬汁好濃郁好惹味甜甜地. 洋蔥同埋紅蘿蔔等配料除咗本身夠鮮甜都吸滿醬汁同埋肉汁嘅精華. 配埋香噴噴白飯食好開胃好滿足. ⭐️辣醬石頭鍋飯石頭鍋飯係食韓國嘢我一定叫嘅主食之一. 呢度有齊素食/豬/雞/牛/ 鰻魚（另加$20），選擇好豐富
套餐有三個泡菜前菜、非酒精飲品、主食同埋湯. 最平$78-$88起就有啦都有成10個八個餐選擇，啱晒想平平哋食晏又有啲要求嘅朋友，都係貴過去食連鎖餐廳同埋茶記少少咋，又坐得闊落啲.想再食好啲，百零蚊至百幾蚊就會有更豐富嘅菜式，好似部隊鍋、人蔘雞等等.
湯有兩個選擇，分別係泡菜豬肉湯同埋韓式蘿蔔湯，兩個人可以叫齊兩份一齊分享. 前者微辣開胃，後者香甜清新，係好好嘅互補. 泡菜總共有八款，我哋揀咗六款唔同嘅可以樣樣試少少. 飲品我哋叫咗蘆薈汁同埋梳打水.
⭐️炆牛肋骨飯
牛肋骨炆煮得入味好腍好易咬開，肉質嫩滑. 個醬汁好濃郁好惹味甜甜地. 洋蔥同埋紅蘿蔔等配料除咗本身夠鮮甜都吸滿醬汁同埋肉汁嘅精華. 配埋香噴噴白飯食好開胃好滿足.
⭐️辣醬石頭鍋飯
石頭鍋飯係食韓國嘢我一定叫嘅主食之一. 呢度有齊素食/豬/雞/牛/ 鰻魚（另加$20），選擇好豐富，滿足晒唔同口味嘅朋友仔. 朋友唔食牛，咁我哋就揀咗雞肉，健康啲嘛又唔會肥補充多啲蛋白質. 大窩蛋撈飯加埋飯焦好正.撈埋甜甜辣辣嘅辣醬混埋一齊食，所有配料加埋好豐富.
午市午市套餐咁多款式嚟多幾次都唔怕悶啊，附近返工嘅朋友仔可以去試.
张贴
