牛站(駅)麻辣火鍋放題

营业中

休息中

一年四季，特別係夏天都要去打個邊爐🍲。今次去到尖沙咀The One 附近，主打台式火鍋嘅牛駅麻辣火鍋。價位唔算好貴，任飲任食120分鐘。湯底選擇幾多，而且都有唔少驚喜位。📌一系列茶飲、罐裝飲品。特別仲有冷熱清酒同梅酒，啤酒都係任飲。📌小食都有好多款：鳳爪、泡菜、中華沙津等。最重要有埋麻辣小龍蝦、鹽酥雞同糍粑任食😍。小龍蝦非常惹味，辣得過癮！今次簡咗中價位嘅SRF 美國特級肩胛肉眼片。牛嘅油脂分布好均勻，而且牛味亦都幾重。其他嘅火鍋配料都好豐富，特別海鮮方面有帆立貝、青口、沙白同海蝦。一定要試帆立貝！大大舊又多膏。另外，仲有珍寶蟹棒、花膠等等口感🈵️爆嘅食物。自助區仲有多款蔬菜、特式丸類同澱粉質簡。食到幾飽都好，甜品係另一個胃。除咗有雪糕機外，仲有包裝嘅雪條雪糕、特別嘅豆腐花，木槺布甸同jelly 食😍。真係食到飽又滿足咁走。