影片
更多
2021-08-12
52 浏览
喺Office附近搵到呢一間台式便當🍱因為佢入面室內座位係極少 應該都唔會太預你堂食🍴所以有日lunch就落咗黎買外賣🥡入面Menu嘅選擇實在太多😅無論小食🍢飯類🍚麵類都極多🍝所以真係揀左好一段時間先揀到😋🍟獨家Shake Shake薯條 - 巴辣狂惹海鮮粉 $27本人一見到shake shake薯條就已經心心眼😍佢仲要有成13款調味粉揀咁多😍😍之後店員問我哋食唔食得辣🌶我哋話都幾食得😅之後佢就推薦左呢款巴辣粉俾我哋最驚喜係拎到上Office仍然係熱辣辣 隻粉又辣又香口 薯條係粗直薯條🍟應該啱好多人心水🍢來三粒大甲鮮貢丸 $20三粒鹽酥嘅貢丸 超巨型 食一粒都滯滯地 最特別係貢丸入面仲有芋頭餡😂我係唔食芋頭㗎所以麻麻哋 但係我同事就好鍾意 食到舔舔脷💜🍗鹽酥雞 $26呢個堅呀！冇諗過拎到上Office 再影埋一輪相 啲雞都仲係熱辣辣脆卜卜😍另外裝鹽酥雞嗰個盒好靚 忍唔住要打卡📸咁多樣最好食嘅小食就係佢🍠甘藷番薯丸 $20唔識番薯嘅我都好鍾意食😍除咗因為佢外面係脆 入面仲煙煙韌韌🤩🍱滷蛋豆腐古早肉燥便丼 $52一個台式便當咁嘅價錢實在係平！仲要係大大碗！豆腐不錯 肉燥唔過鹹 如果唔係用椰
入面Menu嘅選擇實在太多😅無論小食🍢飯類🍚麵類都極多🍝所以真係揀左好一段時間先揀到😋
🍟獨家Shake Shake薯條 - 巴辣狂惹海鮮粉 $27
本人一見到shake shake薯條就已經心心眼😍佢仲要有成13款調味粉揀咁多😍😍
之後店員問我哋食唔食得辣🌶我哋話都幾食得😅之後佢就推薦左呢款巴辣粉俾我哋
最驚喜係拎到上Office仍然係熱辣辣 隻粉又辣又香口 薯條係粗直薯條🍟應該啱好多人心水
🍢來三粒大甲鮮貢丸 $20
三粒鹽酥嘅貢丸 超巨型 食一粒都滯滯地 最特別係貢丸入面仲有芋頭餡😂我係唔食芋頭㗎所以麻麻哋 但係我同事就好鍾意 食到舔舔脷💜
🍗鹽酥雞 $26
呢個堅呀！冇諗過拎到上Office 再影埋一輪相 啲雞都仲係熱辣辣脆卜卜😍另外裝鹽酥雞嗰個盒好靚 忍唔住要打卡📸咁多樣最好食嘅小食就係佢
🍠甘藷番薯丸 $20
唔識番薯嘅我都好鍾意食😍除咗因為佢外面係脆 入面仲煙煙韌韌🤩
🍱滷蛋豆腐古早肉燥便丼 $52
一個台式便當咁嘅價錢實在係平！仲要係大大碗！豆腐不錯 肉燥唔過鹹 如果唔係用椰菜做伴菜就更好🥬
🍜鹽酥菇肉燥乾拌麵 $60
冇諗過俾咁多菇俾我😂😂仲要片片都咁大 麵嘅質感不錯 做到保溫 拎到上去食都唔會變淋變一pat
🥤樽仔鴛鴦 $10
呢間台灣菜入面就冇台式飲品選擇 不過就有個樽好特別嘅 #樽仔奶茶 #樽仔鴛鴦 同埋 #樽仔咖啡 我一見到呢啲四四方方嘅樽就會愛不釋手😂😂😂
鴛鴦嘅咖啡味好香 飲落好滑 茶味濃🤎雖然有啲甜 但係接受到
张贴
