影片
更多
2025-04-11
90 浏览
朋友介紹荃灣百悅坊有間好正間嘅串燒店叫燒烤堂，是晚訂左枱黎試試店很大，食客非常多，連VIP房都有人訂埋，熱鬧非凡，咁有人氣嘅店評價都唔會差啦😆店員好快送上暖盤，仲簡單介紹下落單紙，有幾多店家推介嘅好物喎。最先上枱有⭐黃金芝士年糕&⭐焦糖鰻魚芝士玉子燒，呢度個芝士年糕好好食喎🤤外脆內軟芝士有奶香，原來點埋煉奶鹹鹹甜甜仲正。玉子燒中間包住芝士同鰻魚，個芝士仲有拉絲效果添。牛系列叫咗⭐鹽燒和牛牛小扒&⭐厚切鹽燒牛舌拖羅，牛舌爽脆鹹香勁正，呢個要加單😍卷物好多嘢想試，一口氣叫咗⭐鹽燒豚肉荔枝卷、⭐豚肉日本蘋果卷、⭐麻辣豚肉芫茜卷、⭐牛油果豚肉卷，前兩款包住生果嘅，鹹中帶甜仲爆汁😍芫茜卷芫味十足😍牛油果卷都好正，本身鍾意食牛油果，上面仲加咗沙律醬同紫菜碎，好啱口味😍再來有⭐蒜蓉燒生蠔，蠔肉肥味，蒜香正。跟住到朋友至愛嘅明太子系列⭐明太子燒飯糰、⭐明太子淮山燒、⭐明太子雞腿肉，明太子醬加任何嘢食上面都係咁好食🤤飯糰焦香，雞腿肉嫩滑，最有驚喜竟然係淮山，原來燒起上嚟外面脆，裏面滑潺潺嘅口感，得意得嚟又好食。其他仲有⭐甜奶牛油包～鮮牛油加上甜煉奶，非常邪惡嘅配搭🤭⭐孜然燒蒜蓉茄子～勁香口，點解出面街嘅
店很大，食客非常多，連VIP房都有人訂埋，熱鬧非凡，咁有人氣嘅店評價都唔會差啦😆店員好快送上暖盤，仲簡單介紹下落單紙，有幾多店家推介嘅好物喎。
最先上枱有⭐黃金芝士年糕&⭐焦糖鰻魚芝士玉子燒，呢度個芝士年糕好好食喎🤤外脆內軟芝士有奶香，原來點埋煉奶鹹鹹甜甜仲正。玉子燒中間包住芝士同鰻魚，個芝士仲有拉絲效果添。
牛系列叫咗⭐鹽燒和牛牛小扒&⭐厚切鹽燒牛舌拖羅，牛舌爽脆鹹香勁正，呢個要加單😍卷物好多嘢想試，一口氣叫咗⭐鹽燒豚肉荔枝卷、⭐豚肉日本蘋果卷、⭐麻辣豚肉芫茜卷、⭐牛油果豚肉卷，前兩款包住生果嘅，鹹中帶甜仲爆汁😍芫茜卷芫味十足😍牛油果卷都好正，本身鍾意食牛油果，上面仲加咗沙律醬同紫菜碎，好啱口味😍
再來有⭐蒜蓉燒生蠔，蠔肉肥味，蒜香正。
跟住到朋友至愛嘅明太子系列⭐明太子燒飯糰、⭐明太子淮山燒、⭐明太子雞腿肉，明太子醬加任何嘢食上面都係咁好食🤤飯糰焦香，雞腿肉嫩滑，最有驚喜竟然係淮山，原來燒起上嚟外面脆，裏面滑潺潺嘅口感，得意得嚟又好食。
其他仲有⭐甜奶牛油包～鮮牛油加上甜煉奶，非常邪惡嘅配搭🤭⭐孜然燒蒜蓉茄子～勁香口，點解出面街嘅燒茄子特別好食？⭐七味汁燒豬大腸～又香又脆，又係邪惡之物。⭐鹽燒白鱔，皮脆肉彈牙，正。
朋友話佢要啲澱粉質墊肚，叫左個⭐胡麻醬稻庭冷烏冬，胡麻醬勁多，烏冬彈牙，仲有啲蟹柳絲同青瓜絲添。
飲品方面啤酒做緊買一送一，但我哋叫左⭐菠蘿乳酸&⭐冷泡白桃烏龍茶，食串燒都係要飲返杯凍嘢嘅。點咗咁多食物全部都好好食無失望，份量畀唔少串燒店大，價錢仲好貼地，又無限時任坐，唔怪之得咁旺場啦。
张贴
