一樂日本料理 (已結業)

之前睇飲食網見到尖沙咀開左間幾高質素既日式放題，日日都勁多人排隊。今日就特登揀左個宵夜時間黎，唔洗等甘耐！一入門口就係個蠔吧，有專人係度即開生蠔！蠔即開，沖淨上碟。夠晒新鮮、肥美。食落爽口，滑溜，鮮甜！正！！除左即點即做既日式料理外，仲有熟食攤檔，有啲係現成既焦糖燉蛋、雞卷、鳳爪等。仲有係可以即煮既意粉同埋麵。好有酒店自助餐既感覺。飲品櫃都幾大，有汽水、啤酒、韓國飲品等，款式算多。刺身少食，所以叫左唔係好多。幾新鮮，爽口同甜。海膽吞拿魚蓉手捲值得一讚係佢個紫菜好脆，即叫即整，唔係整定。海膽同吞拿魚蓉好鮮甜，份量都多，唔會剩係得飯，唔錯！壽司細細件，料算多。呢個蟹粥推介大家一定要食！首先個粥好棉，結結地唔會好稀，味道好。一碗有半只蟹係度，幾大只，好好肉，肉質都好鮮嫩，應該係食過最好食既蟹粥。每人有半只龍蝦我選左蒜蓉香草焗，味道好香好濃！正！花之戀鯖魚佢個汁同平時食既有少少唔同，佢既汁無甘甜，有少少黑椒既辣味，別有一番味道！甜品，亦即係重點！有我最中意食既雪糕！仲要係任食！正！我一口氣食左四杯要讚下呢度既係點菜係用wechat，唔晒紙，夠環保！我中意！而且食物上枱同收野都好快，職員有禮！唔