二鍋頭 (嘉芙中心)

因為方便同朋友聚會，地點方便近尖東地鐵站 又想食雞煲同打邊爐，所以揀咗呢間餐廳。佢哋餐牌有任食雞煲、羊腩煲、牛雜煲、烤魚同牛尾煲，仲可以另外揀湯底打邊爐。
牛雜煲先講，個醬同牛雜唔係幾夾，可能我食慣滷水味，所以有啲唔合口味。雞煲用嘅醬同牛雜煲係一樣，最頂層嘅雞好似冇乜肉，只有雞殼同雞腳，份量唔似有半隻雞，食落係冰鮮雞，冇乜驚喜。
牛尾煲係職員推薦，但醬汁都係同牛雜煲嗰隻一樣。試咗第一塊牛尾覺得硬，朋友啲就冇問題，但我已經冇胃口，無繼續食。
打邊爐部分較普通，冇乜特別地方。
整體嚟講，朋友聚餐最緊要開心，方便 。食物真係其次，加多句：成餐飯最有驚喜係打邊爐*菜芯*好軟又甜，多菜少肉 值得推薦俾大家。呢間都好好 但下次會揀間便好餐廳 。人均大概$400。
希望呢分享可以俾大家參考，揀餐廳之前真係要諗清楚。