喜鍋 海鮮‧火鍋‧小廚 (已結業)

今日同一班朋友打邊爐，就去咗呢間喺油麻地嘅喜鍋🍲，地點好近地鐵站🚇，油麻地出口行幾分鐘就到喇，好方便佢哋嘅湯底有好多款選擇，而且仲幾特別㗎，今次我哋就揀咗重慶麻辣雞煲🐓，五個人叫咗半隻都夠食，佢有大辣🌶🌶🌶同埋小辣🌶，我哋就叫咗小辣🌶，小小辣辣地幾惹味，雖然係小辣，不過食到最後個湯底要嚟淥菜都幾辣㗎🥵咁多人諗都唔使諗就叫咗個牛魔王塔🐂🐂🐂，有牛柳粒，本地牛頸脊同埋安格斯牛頸脊，呢個份量夠三至五人食，牛柳粒食落好淋，另外兩款牛頸脊都好有牛味㗎，我自己就鍾意食安格斯牛頸脊多啲😛餐前小食方面，佢哋都有好多款選擇，有個蟹子墨魚油炸鬼🥖，係將啲墨魚滑釀咗喺油炸鬼入邊，食落好香脆，幾特別㗎，另外點左個冰鎮麻將秋葵🎍，都係平時比較少見㗎火鍋配料都好多選擇，特別想介紹一個嘅係梅菜豬肉丸🍡，識落好得意，到一絲絲梅菜，我好似食緊梅菜蒸豬肉咁，只不過係個肉餅變咗做肉丸，好有趣😝