利寶會館

营业中

休息中

今晚約咗朋友去蘭桂坊玩，所以就係附近食啲野先。前菜叫咗一口和牛酥和水晶鮮蝦餃。外層鬆化內裏係矜貴嘅和牛，鮮蝦餃有三大粒蝦肉，足料又飽滿。蟹肉冬茸羹好似冬瓜盅咁，但多咗一絲絲蟹肉和蛋白絲，外面好少會飲到，所以嚟到一定要試。香煎南非鮑魚角即時係我眼前煎香鮑魚角，加入濃濃的鮑汁和酒，火焰瞬間有飛舞效果，打卡一流。味道也很美味又香，仲有有冬菇、西芹，很豐富！香煎星斑件星班肉質嫩滑厚實，底下有炸米通，一軟一脆口層次豐富，醬汁甜甜地似係日式燒汁。濃湯浸時蔬今日時蔬係莧菜，湯底係魚湯濃郁鮮甜，為蔬菜增味不少。即燒脆皮乳鴿上枱熱辣辣，皮脆肉嫩、色澤紅亮，仲有少少油滴出嚟，體型適中，入口肉香四溢。仲會提供手套，貼心服務。杏仁茶杏仁茶的特殊香氣很突出，飲落有淡淡堅果香，濃郁順滑。酥皮蛋撻size 岩岩好一啖食晒，蛋香味濃，酥皮都幾多層，港式甜品必點之一。