媽咪雞蛋仔 (已結業)

雞蛋仔係每一個香港人生活中嘅一部分，一種由細食到大嘅小食，由原味演變成多種口味，有甜有咸。媽咪雞蛋仔嘅口味特別多，亦都好有特色，每次經過都一定會食伯爵茶朱古力味，淡淡嘅茶香，入面有粒粒朱古力，甜而不膩。今次仲同朋友叫埋黃金雞蛋仔，入面係粒粒咸蛋黃，咸咸香香，非常足料。怕口乾嘅我，揀左佢地嘅期間限定香甜紫薯牛乳，粒粒嘅紫薯，加埋牛奶，非常香滑。除左雞蛋仔，佢地嘅格仔餅都有好多唔同嘅口味，或者加雪糕，一冷一熱。