夜首爾

营业中

休息中

尖沙咀，韓國菜嘅聚腳點，即使唔係韓國街，都一樣有好多傳統韓國菜！以前食嘅韓國菜都會係韓燒，泡菜豆腐鍋，煎餅，炸雞等等，今次就嚟啲特別啲嘅！就係呢一間嘅鮟鱇魚湯，唔知係我聽得少定食得少，我真係第一次聽亦都係第一次試！我哋揀咗個唔辣嘅，湯比較清，鮟鱇魚嘅魚質偏乾身，但佢好多脆骨，而且佢嘅外皮偏厚，好多膠原蛋白！呢一個鍋物好多菜同菇，食得好飽！另外叫咗鰻魚石鍋飯，傳統石鍋飯都食得多，第一次試加鰻魚嘅，佢哋嘅鰻魚好肥美，石鍋飯熱辣辣上枱，可以食到飯焦添！我自己冇咁鍾意食韓國拌飯醬，佢哋嘅石鍋飯即使唔加拌飯醬，我都好啱口味！下次，想試佢地燒鰻魚，真係唔係好多地方有生燒鰻魚自己燒，佢哋呢度就有！