一目日本料理 (已結業)

一家三口慶祝中秋節🥮！想食得精緻啲又唔想多人迫，上食評啲朋友仔對呢間一目日本料理評價幾高，所以決定㨂咗呢間試下。呢度位置雖然不太近屯門市中心，但都係10多分鐘路程可達，而且呢邊都有好多不同美食小店，選擇豐富。魚生壽司類款式超多選擇！最後好豪氣咁選擇咗幾款魚生試試！先點一份六點盛刺生有牡丹蝦、海膽、帆立貝、油甘魚、池魚同吞拿魚，每款都有兩件份量足而且每樣都好新鮮，其中加拿大海膽最好食夠鮮味，鮮中帶甘甜，其實要形容呢份刺生夠新鮮已經好足夠。另外燒物都有唔少選擇，今次叫咗份牛舌、燒茄子🍆同菠蘿。燒牛舌係我地一家去食日本料理必點燒物，無論喺香港或日本都係必食，但喺香港食過好多都係好難咬開，相信係牛舌本身不同部位有不同口感，呢度嘅唔會好韌，燒出嚟味道剛剛好！燒茄子🍆燒好嘅茄子同木魚片係最好嘅配搭燒菠蘿菠蘿夠甜夠水份，最怕食啲好酸嘅菠蘿🍍蟹子沙律🥗蟹子超多而且粒粒飽滿卜卜脆非常推薦呢間日本料理，尤其是刺生類，刺生夠新鮮選擇亦多而且價錢唔貴！