至尊滿屋日本料理 (已結業)

今日好肚餓，約咗朋友去食放題。好想食魚生，食壽司，食日本料理。午市食放題，價錢大概$200左右、而且食物豐富，有好多選擇。我哋叫咗一盤刺身，刺身都算幾新鮮，晨好食係赤海蝦，三文魚都唔錯。另外當然係啲叫海膽手卷，海膽手卷好新鮮，好鮮甜；而且海膽手卷舊飯唔會好多，唔會好快食得好飽，可以叫幾件。我哋仲叫咗好多唔同嘅壽司，款式都幾多，有不同嘅卷物、軍艦。八爪魚軍艦、墨魚海膽，紫菜都好新鮮即整。我最鍾意就係食炸蝦天婦羅，新鮮炸好爽口。除咗食物之外，仲有飲品任飲，最後當然要食返個雪糕，每人可以揀一杯揀咗Häagen-Dazs,仲有movenpick。好食！