洋 (已結業)

今日路過樂軒臺先知原來開咗間手卷店，見價錢又唔貴買外賣返屋企試下先。手卷包得幾結實唔會一拎就散，配料都好足料。甜蛋 - 味道甜甜地易入口。蟹籽沙律 - 食落味道清甜好清新。三文魚拼赤海蝦 - 三文魚厚切好肥美，赤海蝦好鮮甜味道都唔錯。除咗手卷外仲有幾款丼揀，今次就揀咗角切魚生丼試試。魚生有切粒嘅三文魚、吞拿魚、玉子，上面仲有啲三文魚籽。食落啖啖肉好滿足。跟餐仲有一罐烏龍茶送添。買滿一百蚊送咗一個中華沙律，份量都唔算少。