Mokumoku Yakiton (厚福街)

营业中

休息中

香港地其實都好多居酒屋㗎，聽說Mokumoku Yakiton呢間好多串燒食，款式又多呢！👍居酒屋當然好多酒啦，仲有張長吧枱 啱曬摸住杯底傾下偈的朋友，一路食串燒一路飲番杯真是一種享受，大家又可以減減壓啊！開胃前菜是蒜子蕃茄沙律~刺身盛合有四款~ 好厚呀又鮮甜鮮味，刺身蝦好大隻，有我手板咁長呢！仲有肥厚帶子入口鮮到呢。👍生蠔刺身~ 超大隻呀，好鮮甜，蠔味十足，一隻已經好滿足，喺個口度唔捨得吞落肚。😂😂厚切白金豚肉~ 五層厚薄分明，肉味香濃，肥肉均勻 ，入口即溶化爽口，一食再食感覺，同一般五花腩大不同。 煙燻豬腩~ 煙燻過豬腩肉入口不覺肥膩，好香好特別煙燻肉味，口感非常嫩滑。九條蔥卷~豚肉捲上厚大香蔥，入口勁香蔥味，喜愛蔥味朋友必食。白膳串~超肥厚白膳，入口嫩滑，呢個季節食就最啱不過了，白膳太肥美了。還有車打芝士巴爾馬火腿卷，皮蛋豬肉捲，蒜香牛柳，燒菠蘿.... 成個口都充滿串燒味，居酒屋一路食一路傾下偈下，暫時忘記疫情先，食下講下 時間差不多兩粒鐘了。甜品~ 柚子雪葩和椰子雪葩，甜酸甜酸啱啱 中和返串燒肥膩感。