拾伍 (已結業)

門口掛住個月亮，比佢吸引住，好岩打卡，入到去，以為得第一層幾張枱，原來上面仲有位置，服務員叫左我地上去三樓。一路行沿路都係好多擺設，好多唔同既小物件，慢慢行可以欣賞下老闆既心思。係三樓坐低左，對佢個餐牌有少少失望，原來食物種類得好少，晚餐佢都係比個午餐餐牌我地揀，同埋都係小食選擇，所以如果想食正餐，就唔好黎。但佢啲位置都幾大，同埋好多打卡位，適合黎傾下計飲下酒。點左佢個牛油果蟹肉沙律，居然有隻生蛋係上面，有啲奇怪，同埋蟹肉唔係太新鮮既味道。佢有幾多酒類選擇，價值適中，但等酒都等左好耐先上。