95
29
52
餐厅: 創發潮州飯店
资讯:

为推动全港减盐减糖新饮食文化及新生活态度,环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」,参与食肆会提供少盐少糖选项予顾客,部份更会提供特定减盐减糖菜式。参与减盐减糖食肆会获发计划标志,以供张贴於店舖内,供顾客识别。详情可在此浏览:https://www.eeb.gov.hk/food/cn/committees/crss/restaurants.html

等级4
2K
91
2008-05-25 48 浏览
住了呢區咁多年, 今日先第一次幫襯聞名已久0既創發, 真係講都無人信兼笑死人 -_-" 一行 4 人叫了 5 個(食送), 4 個飯及兩個甜品, 食得非常飽足:- 豉汁蟶子: 碟頭好巨, 蟶子亦比想像中長身及厚肉. 炒到甩晒殼的, d 肉鮮甜爽身, 汁夠味又唔會太搶, 好好食! 不過有好幾隻都有沙, 可惜.- 椒絲通菜: 通菜炒得腍身, 去晒 d 青味, 幾對口味.- 豬腳凍: 第一次食呢樣0野...「膠」多過肉, 感覺有少少似上海菜的肴肉, 食落幾鮮味, 蘸埋鹹鹹香香的魚露就仲正!- 鹵水鵝片併鵝腸, 豆腐底: 鹵水汁好香好夠味, 鵝片薄切, 好入味又幾腍嫩, 非常好食! 鵝腸洗得好乾淨, 阿爸話好硬, 我則覺得好爽脆, 幾好食; 豆腐一樣好入味, 亦幾滑, 唔錯唔錯.- 凍龍蝦: 凍蟹就食得多, 凍龍蝦都係第一次食... d 膏非常甘香, 肉質結實, 食落 sok sok 聲, 不過始終乾0左 d, 唔蘸上梅汁 (?) 根本無味. 我都係鍾意食凍蟹多 d.- 清心丸薑薯: 薑薯 (即係深薯...?) 咁少見, 呢度有供應就當然叫個試試. 糖水好甜亦杰杰的;
更多
住了呢區咁多年, 今日先第一次幫襯聞名已久0既創發, 真係講都無人信兼笑死人 -_-" 一行 4 人叫了 5 個(食送), 4 個飯及兩個甜品, 食得非常飽足:
- 豉汁蟶子: 碟頭好巨, 蟶子亦比想像中長身及厚肉. 炒到甩晒殼的, d 肉鮮甜爽身, 汁夠味又唔會太搶, 好好食! 不過有好幾隻都有沙, 可惜.
- 椒絲通菜: 通菜炒得腍身, 去晒 d 青味, 幾對口味.
- 豬腳凍: 第一次食呢樣0野...「膠」多過肉, 感覺有少少似上海菜的肴肉, 食落幾鮮味, 蘸埋鹹鹹香香的魚露就仲正!
- 鹵水鵝片併鵝腸, 豆腐底: 鹵水汁好香好夠味, 鵝片薄切, 好入味又幾腍嫩, 非常好食! 鵝腸洗得好乾淨, 阿爸話好硬, 我則覺得好爽脆, 幾好食; 豆腐一樣好入味, 亦幾滑, 唔錯唔錯.
- 凍龍蝦: 凍蟹就食得多, 凍龍蝦都係第一次食... d 膏非常甘香, 肉質結實, 食落 sok sok 聲, 不過始終乾0左 d, 唔蘸上梅汁 (?) 根本無味. 我都係鍾意食凍蟹多 d.
- 清心丸薑薯: 薑薯 (即係深薯...?) 咁少見, 呢度有供應就當然叫個試試. 糖水好甜亦杰杰的; 清心丸同平日食到的一樣, 煙煙韌韌; 薑薯以前0係大陸食過, 口感味道都好似淮山, 但就帶點海底椰0個隻煙韌, 幾得意; 另外仲有銀杏, 粉粉軟軟, 好食.
- 水蒸包 (蓮蓉 / 豆沙): 叫呢個純粹因為反沙芋條無得供應... 食了一隻豆沙餡的, 熱辣辣, 層皮厚薄適宜, 極煙韌, 豆沙餡豆味濃郁, 亦出奇地唔係咁甜, 好對胃口!

環境地 mou, 格局同鳳華路邊雞好似, 不過0黎到都唔係食裝修0架啦, 無問題; 招呼亦唔係真係咁差, 阿叔 / 阿姐們個個有求必應的, 算係咁.

食咁多唔平又好食0既0野, 埋單每人 $200, 合理的. 好0野 -- 以後唔使再「捱」樂口福了! =P
豉汁蟶子
83 浏览
0 赞好
0 留言
椒絲通菜 / 豬腳凍
56 浏览
0 赞好
0 留言
凍龍蝦 / 鹵水拼盤
169 浏览
2 赞好
0 留言
清心丸薑薯 / 水蒸包
166 浏览
0 赞好
0 留言
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
人均消费
$200 (晚餐)