至尊滿屋日本料理 (已結業)

我鐘意食放題個個都知，不是因為我要食好多，而是我可以食好多不同種類而又可多可少，同時價錢又定咗不用擔心銀包出血。 一入坐即刻點咗菜，就出去行吓攞野飲。超多種類﹗難得的是有apple cider，apple cider 抵飲，罐了兩支。 今天食的至尊滿屋是吃第三次了，原因最大的只有一個，就是大。大。鰻魚。唔多放題地方有得食鰻魚，有的都是絲一搬的薄，可能鰻魚成本確實是高。但至尊滿屋認真落重本，好厚好大舊，味道都好得。醬料亦好足。 其他食物都要評吓嘅，放題始終都要食多啲其他野。第一次來食時，魚生上枱真是哇一聲，都好新鮮、大大舊，我認為最必食的是大大牡丹蝦，成雙手咁長，有嗰種章口感覺好正。其他熱食我全部都少少咁叫，可以試吓而又唔會哂咗我個肚食好野。 入坐時有張咭比你，每人最後可以食哈根大師或無份迫雪糕，我都是哈根粉絲，仲要唔係普通味道，好滿足。