個酥皮焗周打魚湯，一啖飲落去，酥皮脆到嗦嗦聲，入面個湯仲keep到好熱！正！跟住個椰皇燕窩燉蛋白，椰香味濃到不得了，燕窩同蛋白融為一體，入口即化，甜度剛剛好，食完成個人滋潤晒。
1
燒物方面，蜜蜜燒菠蘿表面焦香，咬落爆汁；鹽燒牛舌唔會過韌，仲有肉汁鎖住；川味燒鮮蠔辣得嚟唔會遮咗蠔嘅鮮味，西京燒比目魚魚油豐腴，入口即溶。
至於個金湯慢煮鮑魚花膠盛，真係要專登提——鮑魚腍滑得嚟有咬口，花膠煮到啱啱好，個金湯飲得出係熬咗好耐，濃郁到黏嘴唇。XO醬蒜蓉粉絲蒸蟶子王又係無得彈，蟶子爽脆，粉絲吸盡精華。
壽司卷物更加係驚喜重重。鵝肝芝士鰻魚卷，三種濃味食材竟然咁平衡；黑松露蟹肉芝士軟殼蟹卷，松露香同蟹鮮味互相輝映。軍艦方面，拖羅蓉鮮味爆棚，海膽軍艦creamy到不得了，完全無腥味。
最後嗰幾款特色壽司，秘製醬油漬左口魚邊油香滿溢；胡麻醬拖羅蓉大赤蝦鮮甜夾creamy；黑松露油金魚腩油脂感豐富；牛油果醬吞拿魚就清新得嚟帶果香！呢間放題種類份量都好豐富全部都好食！
