尚素 (已結業)

呢排食得肥膩野多，想食下齋清清腸胃，於是嚟咗觀塘呢間尚素食齋。地方都幾闊落，食物當然係食齋菜啦，我哋兩個人叫咗三個餸、一碗飯，食得都好飽啊。牛肝菌芙蓉鮮竹：呢道菜個樣成個蔥油餅咁樣。食落都係脆脆地，好香口，同蔥油餅一樣都係咁薄。要腐竹嚟整嘅薄餅我都係第一次食，食落又覺得唔錯喎！又有少少彈你咁樣，加埋牛肝菌，都食得幾滋味。竹笙榆耳腐皮卷：呢個腐皮卷有六大嚿，我覺得完全係三個人份量啦！腐皮卷煎得好香脆，裏面全部都係香菇、榆耳、竹笙，好飽滿㗎 ！幾好！ 👍🏻