四季良晨 (新都城中心) (已結業)

心思思想再食四季良晨，之前食過幾好味，今次再encore，疫情下依然多人幫襯！ 我地今次反而無叫台灣風味既野食 ，叫左新出嘅胡椒豬肚湯飯，仲試埋蕃茄麻辣豬肚湯面，兩樣主食都係豬肚做主角。湯面可以加錢配配菜，見近排少食菜，所以加左清湯時菜同茄子，另外再叫左蕃茄湯餃同桂花雞翼。食物上枱速度都快，唔洗一陣已經到齊哂。蕃茄麻辣豬肚湯面，極濃嘅蕃茄味湯底，又香又甜，跟碟麻辣醬，客人可以按自已喜好來調味，加左麻辣好鬼正。 胡椒豬肚湯飯，清清地當中帶有胡椒香辣，好開胃，好少餐廳食到。雞翼香脆，就甘食已經好正，再點埋桂花醬，另一翻風味。兩杯杯品都好清新，甜度適中新鮮。