食棧

营业中

休息中

朋友附近做嘢介紹我黎呢度食飯。行入去看似舊式酒樓，有啲似食為先，心情十五十六都唔知食乜好。聽到隔離枱個個都叫燒味，咁我哋都叫黎食下，燒鵝、燒腩仔同叉燒。先黎個燒鵝，佢既汁醬係另上 ，我試左第一舊無點汁，已經好夠味，外皮燒得好香，肉質仲好嫩，假如想濃味啲，可以點埋個汁。平時食埋啲幾貴既燒鵝，一係太肥一係太瘦一係啲皮好難嚼。試埋叉燒，叉燒好lum，好似食黑毛豬咁，加上外皮厚厚既蜜糖封住，真係想煎隻蛋整個銷魂飯。燒腩仔入口脆卜卜，一層肉一層肥，天衣無縫！very good! 可以比美車軚人三星我哋仲有叫砵酒蠔，蒸魚，全部都好有水準非常滿足的一晚。