食棧

营业中

休息中

一家人幾兄弟難得一聚，在摩士公園附近散步，剛好到飯點的時候經過這家「食棧」，決定進去飲茶午膳。先點一輪點心：蝦餃皇、叉燒包、排骨陳村粉、香茜牛肉腸、芋角、鹹水角、香煎蘿蔔糕、潮州粉粿、古法馬拉糕和白灼菜心。每種點心都有水準，充滿傳統味道，大家感到很驚喜，讚不絕口！很快就「清碟」了。之後再來一輪：Encore了芋角和馬拉糕，再加了陳皮牛肉球、薑汁雞包仔、鴛鴦芝麻卷、瑤柱珍珠雞和金絲酥蛋散。這一輪點心除了蛋散蛋香不夠味道稍遜之外，其它都是很不錯的。雖然我們幾個人都不是住在樂富或者聯合道附近，但大家都說，以後要找機會再來這裡飲茶。

裝修後食物質素超級下降，叉燒食落去似香口膠，叫個廚房佬俾薑蓉好似欠咗佢咁，最後都係冇比。價錢都貴咗食物又難食咗，極度不推薦，已經好難食，仲要唔俾薑蓉。$15質素，換燒味師傅了，極度難食，寧願去樂富街市買$20叉燒飯仲好過去食棧

真開心，聽日就過新年喇，今日返最後一日工，於是同同事一齊食團年午飯。我哋到咗樂富一間的歷史悠久嘅酒樓，我哋已幫襯十多年，食物嘅水準仍然一流，我哋食團年飯嘅菜式十分豐富，叫咗十幾廿樣嘢，包括咗頭抽乾炒牛河、豉油王龍鬚炒麵面、酥炸就魚、黄金一口酥豆腐、蜜汁叉燒皇、脆皮燒鹅皇、食棧筍尖蝦餃皇、蟹籽燒賣皇、陳皮牛肉球、翡翠鲮焦球、皇叉燒包、蜜汁叉燒、香茜牛肉肠、蜂蜜小米糕、雪山烘焙叉燒包、駕鴦芝麻卷等等。以上全部食物都好有水準，值得我推薦嘅就係燒鵝皇同埋叉燒，仲有芝麻卷。希望大家都係新一年豐衣足食。

以前嘅食棧，經營咗幾十年，十分之殘舊，自從裝修了之後，食棧變得新淨，環境一流，坐得好舒服，而且食物嘅質素，好似仲好過以前。所以今日同一大班同事去食棧，食過午餐，我哋叫咗好多好豐富嘅點心及炒嘢，倒如有燒味雙拼飯、星洲咖喱魷魚、雪山烘培叉燒包、食棧筍尖蝦绞皇、醬皇蒸鳳爪、蠔皇叉烧包、香茜牛肉球、木魚紅燒茄子、頭抽乾炒牛河、銀芽肉絲炒麵。大家狼吞虎嚥一輪，把檯面嘅美食全部吃光，肚子飽飽，好有幸福感、飽足感離開，最後發覺今餐價錢十分之公道，好抵食。🤩

今日到樂富做嘢，老細介紹呢家食肆飲茶叫做食棧。7個人叫咗兩碟炒嘢：包括肉絲炒麵同乾炒牛河。點心叫在2籠蝦餃，皮薄餡靚，雪山叉燒包同傳統叉燒包都好味。另外仲有咖哩魷魚同煎釀矮瓜，簡直超水準。鳳爪夠入味夠林，香茜牛肉腸亦出色。老細話佢嘅燒味出名，我哋叫咗個叉雞飯；認真唔錯。7個人埋單每人99，唔使100蚊，抵食。

我係家住食棧對面，食咗十幾年嘅客人。食棧嘅燒味好係毫無疑問嘅，但係唔好嘅時候就令人好激氣。 呢一晚想斬料買咗一斤叉燒， 盛惠150元，指明要肥叉。 點知出到嚟嘅質素大失所望，又瘦又嚡，類近擦子膠嘅質感，連大家樂嘅質素都不如。 如果係冇肥叉嘅，你可以同我講，我轉第二樣。 如果要買夠相當重量先俾肥叉嘅，你可以同我講，我加碼。如果肥叉係要加錢嘅，你可以同我講，我俾。 如果係要識得經理部長斬料師傅先至有肥叉嘅，我逢年過節派多啲利是。而唔係粒聲唔出斬啲嚡夾靱瘦叉畀我。🤬🤬🤬

住係食棧附近咁多年，想食叉燒就一定係諗起食棧，買咗咁多次食過咁多次，今次外賣叉燒真係差到一個點，俾單之前已經嗌佢要肥d，竟然俾碟“湯渣”嘅質地我，仲要舊舊都係咁，去街市燒味檔買都無咁差，嬲到成家人都係度嘈，味道再好都無用，老細們唔該留意下🤨🤨🤨

朋友來到香港旅行，聽說這裡的燒味及點心十分出色的，於是我陪她一起去嚐試。作為住在新界的我，專程去樂富飲茶是第一次。畢竟這個地區沒有大型商場沒有景點。那天我們參觀完黃大仙就過去樂富享受美食。我們點了幾樣點心，包括咸水角、棉花雞、菜苗餃和叉燒瀨粉。所有的食物都比其他連鎖酒樓的口味更出色。咸水角外皮金黃酥脆。咬下去時，你會首先感受到外皮的酥脆口感，接著散發出來的香氣充滿口腔。棉花雞魚肚吸滿醬汁配上鮮嫩多汁的雞肉，質地柔軟。菜苗餃餃子皮薄而有彈性，包裹著新鮮的菜苗及蝦肉。每一口咬下去，你可以品嚐到菜苗的清新和蝦肉鮮甜。除了好食外，食棧的價格也相當合理。相比其他酒樓，這裡的價格更為便宜，讓人感到物超所值。而且場地相當寬敞，每一桌之間都有足夠的空間，讓客人可以舒適地用餐。這種環境設計讓整個用餐體驗不會感到拘束或擁擠。小總結❤️❤️❤️❤️📌價格實惠物超所值📌寬敞環境提供舒適用餐

難得另一伴同日休假、就輕鬆嘆早茶！好耐冇嚟飲茶！就趁佢11點前點咗特別孖點優惠$36.80 ！鳳爪排骨飯以前係一盅高身、依家係矮身PIZZA HAT 小食盤裝！ 排骨全肥肉連骨、感覺係唔要部位拎咗嚟用、冇肉！鳳爪一隻切半當2件！ 下次唔會再點依個飯！皮蛋瘦肉粥還算可以、 正常份量！ 味道👅還算可以！叉燒腸粉好滑溜、但叉燒量就少咗啲！ 下次都可再點！蟹籽蝦仁燒賣還算可以、但感覺蟹籽唔太新鮮！ 下次叫返正當燒賣！ 單點招牌小籠包有3粒 、 多汁、肉份量正常！ 味道整體還算Ok ！

2月某天。嚟咗幾日食。海蜇燻蹄 $38 ♥️♥️♥️♥️感覺上食燻蹄會比較heavy，跟嗰甜甜哋既醋食，先無咁易滯。排骨蒸陳村粉 $28.8 ♥️♥️♥️份量好足，特別係啲粉。因為我口無落豉油，而排骨的醬汁不多，所以啲粉味道就好plain。時菜鯪魚球 $18.8 ♥️♥️♥️+非常新鮮彈牙，但墊底既係腐竹唔係菜。釀虎皮椒 $26.8 ♥️♥️♥️♥️呢個無得輸，因為鯪魚肉新鮮又彈牙，煎釀得十分香口。椒，不辣。紅油抽手 $24.8 ♥️♥️♥️以為會辣，點知無乜，餃皮爽彈到位，但餡料實的的，可以理解為用足料，但口感一般。蘿蔔千絲酥 $28.8 ♥️♥️♥️♥️香口酥鬆脆，最緊要係夠熱，外皮夠酥鬆。豆苗鮮蝦餃 $22.8 ♥️♥️♥️+大大隻熱辣辣，餡料足但唔均勻，有的蝦同豆苗都幾平均，但有啲好少蝦。不過這種又黏又糯嘅餃皮，我就麻麻地。百花釀魚肚 $30.8 ♥️♥️♥️♥️蝦膠鮮，魚肚貨真價實，最重要係熱辣辣，香鮮美味。招牌小籠包 $18.8 ♥️♥️♥️♥️♥️呢個大愛。😍皮薄餡靚湯汁多又鮮，最重要係熱辣辣之餘唔易穿，所以比滿分。😁香芒布甸 $18 ♥️♥️♥️唔係我想要既。質感更似大菜糕，味道呢OK既。另需加一及茶💲

一班同事約了飲午茶,人多就可以叫多款點心,可食更多種類的,煎炒蒸炸也叫齊。飲茶午膳不叫炒粉麵,會若有所失的,今次特別開一食評介紹"豉椒排骨煎麵" , 此炒麵水準其高,麵底兩面黃脆卜卜的,排骨嫩而肉汁豐富,值得試下。

午飯一班同事到樂富食棧吃點心，人多就可以叫多款點心,此酒家的點心水準保持,我們最愛吃的筍尖蝦餃皇、蟹籽燒賣、义燒包等小食就叫了魷魚鬚、椒鹽多春魚及欖菜肉鬆四季豆.....冷氣夠凍,食物有水準,值得再去。

三五知已去樂富食棧午飯食點心,每次必叫的食物就是密汁义燒例牌, 老實講價格不算便宜。$130一碟例牌义燒:半肥瘦、厚切、肉汁豐富、玫瑰酒香入口鬆嫩細緻......每次起碼要吃兩件才夠滿足

今早約咗幾個朋友一齊去樂富聯合道金國大廈地下間食餞飲茶吹水。這間茶樓應該係新裝修無耐，地方寬敞，坐得頗為舒服，一般酒樓的侍應可能係人手不足問題，服務比較差，但這間酒樓的侍應質數唔錯，服務熱誠。早茶孖寶 (鳳爪排骨飯和香煎蘿蔔糕）鳳爪排骨飯鳳爪和排骨都醃得頗為入味，排骨咬落還有少許肉汁香味滲出，米飯粒粒分明，軟硬適中，肉汁和醬汁滲入了白飯裏面，添加了白飯的香味。香煎蘿蔔糕蘿蔔糕表層有少許脆口，裏面有著蝦米、臘味和蘿蔔的香味，十分香口。早茶孖寶（木魚燒汁茄子和鮑汁鳳爪）木魚燒汁茄子茄子上釀滿了炸到金黃色的鲮魚肉，鯪魚肉裏面混入了蝦米、臘味和芫茜，提升了鯪魚肉的香味，加上有少許鹹香味的木魚和燒汁，配搭一流，增加了這道點心的味覺，可惜茄子比較油膩一點。鮑汁鳳爪鳳爪炆得軟硬適中，頗為入味，鮑汁不會太鹹，恰到好處，鮑汁粘滿在鳳爪上，令鳳爪的味道提升。煎釀虎皮椒虎皮椒上釀滿了炸得金黃色的鯪魚肉，鯪魚肉裏面混入了蝦米、臘味和芫茜的香味，配搭著微辣的虎皮椒，增加了味覺的層次感，十分香口。蜜汁叉燒包熱辣辣的包裏面包含了叉燒和醬汁，叉燒不會太肥，醬汁不會過多或過少，恰到好處。 叉燒腸粉腸粉皮又薄又滑，捲上了

我差唔多一星期都會來哩度飲茶，無限定早茶或中午，講真佢哋d點心係一流既，服務態度要睇吓你遇到邊個，著黑西裝類似經理主任既阿姐（門口）或成日打牙咬企係度最差，只係負責落單或帶位，兩個人去食，一定迫你撘枱，就算佢有好多吉枱，點心紙一定自己係張枱度自己搵，佢哋話知你搵唔搵到，又一日星期日，10:30 分到，以為無早茶特價（11:00前落單），用在張原價點心入單，個d黑西裝阿姐照入，5分鐘後我發現原來星期日都有早茶特價點心 （我叫在5樣有4樣都有特價）咁同黑西裝阿姐講番，佢話入在單啦，無得改，我同佢地講我落單時，你哋吾同我講有早茶點心紙，佢回應話擺曬係枱woo …. 呢餐茶飲得非常之吾開心，咁既服務，吾怪得香港人北上飲茶啦……