豐鍋雞煲 (京瑞廣場1期)

营业中

休息中

我時常都覺得喺餐廳入面食會好過外賣好多，始終個食物溫度的控制是非常重要，基本上大部份的中式餐飲食品都係要熱辣辣先至好味道，不過今日幫襯咗呢一間雞煲店令我有少少改觀，估唔到外賣一個雞煲返屋企食竟然同喺舖頭入面食都有9成神髓。一家三口食，叫咗半隻雞，因為屋企人都食得辣所以叫咗中辣。講咗幾點去攞，去到只係等咗一散就有得拎，由石門個商場返到屋企大約20分鐘，加上天氣都熱，所以返到屋企個雞煲仲係熱辣辣架。佢D雞都幾新鮮，D肉都有彃性，另外佢雞煲入面D其他配料都非常惹味，我地自己煲個白飯，就係好豐富的一餐了。