富臨酒家 (燒鵝大王) (已結業)

每日都會經過呢間酒樓先返到公司，成日都唔知食咩好，一般去酒樓都只係會飲茶食點心，諗諗吓其實都可以買碗粥當早餐食架喎！入到去就去收銀位落單，竟然只係13.5就買到皮蛋咸豬骨粥，講真！去任何一間粥店都好難見到呢啲價錢喇！等咗8分鐘就有的拎嚕！真係算快手，啱哂要趕頭趕命既返工一族！係人都知喺酒樓堂食會用一個幾大既碗，而外賣佢都好公道，因為外賣碗只有一般既細size，佢裝咗2碗比我，其實對於一啲細食既女仔而言，呢度應該夠食2餐！粥都好足料，皮蛋同咸豬骨都各有3至4件，呢個價有呢倨份量既料，真心滿足！