古今二 (荃灣千色匯I) (已結業)

經OpenRice 落外賣有85折扣都幾吸引，加上見到其他食評都好正面，一於試試，今次晚餐order由落單至取餐唔洗15分鐘，抵讚。鰻魚飯：除在白飯硬咗啲，味道都ok滑蛋豬扒飯：味道唔錯，蛋好滑，折咗以＄55有依個份量，算抵食。壽司：麻麻地，各款魚（三文魚腩、劍魚腩&油甘魚）嘅肉質較淋，除咗吞拿魚拖羅蓉跟冇得比較口感外，可能壽司同熱飯（鰻魚飯同滑蛋豬扒飯）包埋一袋，令到魚暖暖地而肉質本身淋淋地，入囗變得怪怪地。卷物：有紅龍卷、火山、青龍卷及蜘蛛。火山鋪上大量蟹柳同帶有微辣醬，每件入囗份量好足，但味咸咗啲，各人食咗一件就停口。而其他卷物味道尚算不錯，至少每款都可以食多件。