稻香.茶居 (荷李活商業中心) (已結業)

見報紙有廣告話關閉一星期後重開，夜市推出多款外賣，重有網上平台落單，所以就通過GULU 比錢定了四様嘢，預計七點有取。七點去到見到大堂有二、三十人等緊，心知不妙。一問個阿姐，佢話全部網上的定單廚房都收唔到。因為錢已比，又無得退錢，所以只好重新落單。等候期間，有客人話等了個半小時；亦有客人發現花膠雜菜煲欠花膠;定了兩隻乳鴿走了一隻；叫五樣只包了四樣，總之無一張單是完好。大堂阿姐又唔識用電腦，唔識查單，佢索性叫顧客直接和廚房傾，總之是大亂。而我本人的單，足足等了65分才執齊。其實未預備好，就唔應該接生意，害了員工和顧客。