百芳池上便當 (Mikiki)

营业中

休息中

今晚放工搭車去咗新蒲崗嘅Mikiki ,因為係屋企附近，所以就買個外賣返屋企慢慢食。發掘左一個新地方，就係Mikiki地牢嗰一層嘅一間台灣野。呢一間百芳池係賣台式便當嘅，我就叫咗一個香酥炸雞腿便當，再加一杯珍珠奶茶。等左一陣就有，都算幾快。香酥炸雞腿好有台灣風味，即使係外賣拎到返屋企，都仲係好香脆。成個便當套餐除咗雞腿之外，仲有飯菜，粟米，半隻滷水蛋，仲有我最鍾意嘅粉絲，好開心。我都好鍾意佢哋嘅珍珠奶茶，超大杯，啲珍珠好chewy. 雖然啲飯唔算好多，但都食到好飽，好滿足。