諾亞半熟蛋糕專門店 (已結業)

是日行經尖沙咀誠品，睇睇啲旅遊書，為首爾之旅做好準備見到有半熟蛋糕賣，未食過，就買左個同老婆大人分享(成日話我食好西唔預佢)。餐廳係角位唔算起眼，店面細細只做外賣無堂食。買左個"低糖百爵半熟蛋糕"$78，臨走時店員話呢款蛋糕要放雪櫃，仲要拎出黎解凍先好食！返到屋企雪左一陣，解左凍先食。蛋糕唔大個，平起一般美X，聖X娜的細。餐廳好細心，餐具已經成套放左係盒底，非常方便。蛋糕是半熟蛋糕，一切開已經有一堆類似蛋黃的流出黎，似奶皇包的流心蛋糕是暗黃色，帶點黑黑地，因為百爵是紅茶，只是加了佛手柑，所以顏色帶點暗黑。味道一般，百爵味本身已經是微甜，蛋糕仲要係低糖，所以味道不出眾不吸引，價錢同流心的半熟效果力挽狂瀾吧！合格的！另外茶味一般，不算濃厚，沒有太大特色。偶爾試試，OK的！