有田和牛專門店 (水渠道) (已結業)

屋企今日冇煮飯，又係時候發掘下附近嘅外賣店。之前見呢到開左間丼飯店，今日就黎試下！一去到就見到和牛賣哂😭下次要早啲去至得！一場黎到點都試下其他野，就買左炙燒厚豐豚丼同辛口泡菜赤豚丼。呢到點餐係用販賣機形式，好有日本拉麵店或牛肉丼店嘅感覺🤣今晚去都幾旺下！等左十分鐘左右就拎得。外賣佢會將肉同飯分開放，啱哂啲唔中意成碗飯都係汁嘅人！開始食啦～厚豚肉略為燒得硬身左啲，不過啲醬汁好啱餸飯！辛口泡菜都真係幾酸幾辣下，又係啱送飯。呢隻豚肉就係一片片火鍋食果隻豚肉，食落易咬好多！今次食唔到佢地嘅得獎作品，有啲失望。下次一定要再黎食呢到嘅和牛呀！話哂都係叫做和牛專門店🤪哈哈 另外仲見到有火鍋添呀！正