上海弄堂菜肉餛飩 (歌賦街) (已搬遷) 新店位置

今日放工去咗公司附近買外賣返屋企，揀咗呢間食上海菜嘅。佢有晚市套餐，有小食，加主菜，再加白飯或者菜飯，大約一百蚊港紙。我就買咗兩個套餐，一個就菜膽獅子頭，配涼拌小黃瓜，我揀咗菜飯。另一個套餐，我揀咗陳年花雕醉雞，配酸辣湯，都係揀菜飯。獅子頭啖啖肉，配菜飯，特別均衡健康。而陳年花雕醉雞，就係一個驚喜，酒味比我想像中濃烈，酸辣湯啖啖都係料，酸辣恰到好處。最後買咗個甜品，一份豆沙鍋餅，好耐冇食過，食晚餐有個甜品係唔同啲嘅。我想提一提，佢外賣嗰個袋真係好靚，唔講以為我去完街shopping。