麻酸樂米線專門店 (已結業)

媽咪又去咗大陸玩，即係無飯開啦！我唯有出街食！屯門市中心，其實有好多選擇！最新果層已經有唔少選擇！我一個人，盡量搵間唔太多人嘅餐廳！行下行下、2樓間間都多人！終於，落咗地下！見到呢間比較少人又可以靜靜地食下嘢！Menu 令我花多眼亂！招牌十式米線似乎幾吸引！叫埋熱杏仁霜！招牌十式米線：菜甫蛋、蜂巢豆腐、貢丸、牛丸、金菇、冬菇、腐竹、... 清湯底睇嚟外表豐富、其實內涵空泛！比我預期中淡味！我可以食得清淡，碗嘢比我更清淡！配料 - 多數都係淡味！菜甫蛋最有味！清湯底 - 正如周中師傅話齋，好過飲水！米線 - 硬度適中！在屯門區，食超過 $30 嘅米線，唔應該係這樣的質素！總之，今餐係唔值！！