鄭記潮州食家 (已結業)

我好鍾意四圍食，好鍾意幫食物影相，今日終於的起心肝開始寫食評，分享一下舊年冬天開始，好鍾意去大坑搵食，因為由地鐵站行去都幾遠，所以呢區就係我既冬天限定覓食點~秋天開始的第一擊就係鄭記~之前上OR睇，見食評都普遍唔錯，一於試下~去到先發現原來係非常街坊格局(即係唔太乾淨)，不過費事再諗第二間，坐低先算~食潮州粉麵點魚蛋粉最啱，最易見真章，魚蛋同魚片都做得幾彈牙爽口，係有點魚香味的，魚蛋不規則的大小反而自然唔似機整。至於河粉，一般而已，不算滑。Mr.J食原汁牛腩飯，個汁似清湯多d，牛腩幾腍，但仍維持咬口，唔錯~成店只得我地食晏點鵝片食我比較鍾意食鵝肉，因為較腍滑，鵝片通常較鞋。今次錯叫左鵝片，反而有驚喜，軟腍得黎有肉味，點埋d醋更加好食，不過賣六十幾蚊似乎有點貴