逸軒

营业中

休息中

好友聚餐當然要食得有水準啦！依間中菜廳果然有驚喜，成晚都相機食先！特色拼盤：有子薑蘿白盒、松露煙燻素鵝、脆香乳豬、黑金豆腐、金萡和牛叉燒及初夜西瓜。叉燒用和牛製作好特別，入口肉質好淋好好味，加咗幾篇金萡感覺更矜貴。平時我唔食子薑，但今次子薑混合咗蘿白酸酸的，兩者味道好相襯好開胃。陳皮燕窩：燕窩以依間方式上枱感覺好玩味，估唔到陳皮香味如此濃厚，啖啖燕窩都係新派味覺享受。芒果班戟及糯米慈：班戟做到一個個布袋款好得意，糯米糍塊皮非常薄非常軟，入口煙韌好滿足。