喜鍋 海鮮‧火鍋‧小廚 (已結業)

放工約左朋友出街食飯聚一聚，朋友介紹就去左油麻地打邊爐，呢間嘅湯底、食材都幾特別而且新鮮👍🏻一坐低店員就介紹個 “鮮檸酸菜魚鍋”，試咗之後發現佢嘅煮法比較接近港式火鍋，有別一般嘅酸菜湯底，而加咗鮮檸檬🍋、青檸，超級醒胃仲fresh啲。而個湯係用魚熬出嚟，個魚湯又白又香！每塊鱸魚肉質都好滑又無骨，我都飲左兩碗湯同食啲魚塊先開始打邊爐😋飲完湯再試吓個特別嘅餐前小食: 蟹籽墨魚油炸鬼，炸物嚟講又唔覺油膩，加埋啲蟹子、墨魚滑就冇咁單調，點埋個甜酸醬，越食越開胃。開始打邊爐啦，我哋一個二個都係對牛🐮瘋狂嘅，所以order個 “牛魔皇塔” 嚟滿足我哋嘅慾望。上層頂頭係安格斯牛柳粒，中間層就係本地手切牛，下層就係頂級安格安格斯牛頸脊，肉質嫩滑，一塊接一塊食到停唔到口。另外order 嘅海鮮都好鮮甜😝 鮑魚大大隻，聖子爽甜….. 性價比高👍🏻我哋仲嗌左一啲丸類同埋餃子，特別想講嘅係一個叫 “爺孫餃”，原來係由酸菜、椰菜去做餡料，原來兩樣加埋都可以咁夾！當然唔少得炸到脆卜卜嘅 “自家脆炸響鈴卷”，係自家製而且用靚腐皮炸成，放幾秒入煲，就吸晒湯汁精華😙其實仲有好多唔同款式嘅食材可以揀，真係數之不盡😋依家仲