影片
更多
2020-06-27
188 浏览
終於捱到週末，難得放假，不想整天宅在家，老公提議去灣仔街市逛逛，順手選購些乾貨，然後再買點外賣回家做午餐。唔想吃得太 Heavy，不如近近地去廈門街「Chotto Maki」買些卷物，既飽肚又唔油膩，啱曬我倆胃口。之前幫襯過中環利源西街嘅「Chotto Maki」，環境隨意自在；原來灣仔分店地方亦唔錯，雖然舖面不大，但不會好侷促，布置簡約清新。飯卷的選擇非常豐富，足足有成 12 款，6 款大卷、6 款細卷，另外仲有 Party Sets、壽司、刺身、麵豉湯、迷你烏冬、沙律、甜品及飲品等供應。點咗兩款特式壽司卷：Beefiyaki、Spice Me Up，兩款經典壽司卷：Mango Dynamite Roll、C-Dragon 同一罐橙汁。用作盛載壽司卷的紅色紙盒頗精美，卷物擺放得很整齊，挾起來吃十分方便；另外筷子、豉油、芥末等亦一應俱存。先吃這款 Beefiyaki ($72)：飯卷用料好豐富，內有照燒牛肉、青瓜、腐皮、牛油果，面頭更撒滿了飛魚子同炸蒜片，營養均衡料又足，加上吱咗鰻魚醬，令風味更佳，味道好突出。至於呢款 Spice Me Up ($72) 嘅材料就有鰻魚、碎帆立貝、
唔想吃得太 Heavy，不如近近地去廈門街「Chotto Maki」買些卷物，既飽肚又唔油膩，啱曬我倆胃口。
之前幫襯過中環利源西街嘅「Chotto Maki」，環境隨意自在；原來灣仔分店地方亦唔錯，雖然舖面不大，但不會好侷促，布置簡約清新。
飯卷的選擇非常豐富，足足有成 12 款，6 款大卷、6 款細卷，另外仲有 Party Sets、壽司、刺身、麵豉湯、迷你烏冬、沙律、甜品及飲品等供應。
點咗兩款特式壽司卷：Beefiyaki、Spice Me Up，兩款經典壽司卷：Mango Dynamite Roll、C-Dragon 同一罐橙汁。
用作盛載壽司卷的紅色紙盒頗精美，卷物擺放得很整齊，挾起來吃十分方便；另外筷子、豉油、芥末等亦一應俱存。
先吃這款 Beefiyaki ($72)：飯卷用料好豐富，內有照燒牛肉、青瓜、腐皮、牛油果，面頭更撒滿了飛魚子同炸蒜片，營養均衡料又足，加上吱咗鰻魚醬，令風味更佳，味道好突出。
至於呢款 Spice Me Up ($72) 嘅材料就有鰻魚、碎帆立貝、日式泡菜、青瓜、乾海草等，最特別就係加咗蘋果啫喱同辣蛋黃醬，蘋果啫喱的微酸中和咗泡菜嘅辛辣， 加上濃杰的辣蛋黃醬，刺激惹味。
食完兩款大卷，就輪到細卷，呢款係 Mango Dynamite ($72) 賣相相當吸引，飯卷入面裹住天婦羅蝦、青瓜和蟹籽，面頭的芒果片不僅裝飾了卷物的「美貌」，入口亦香甜柔軟，配上軟糯的米飯，令人吃不停口。
另外呢款 C-Dragon ($72) 味道亦唔錯，飯卷中間釀入了香甜的蕃薯天婦羅，而頂層則鋪上炸鰻魚；蟹籽粒粒都好脆口，咬落索索聲，炸鰻魚入口鬆脆又不油膩，加埋惹味的蛋黃醬和饅魚汁，味道真的好夾。
张贴
