甜源居

营业中

休息中

假期去咗西貢閒逛，食左個豐富嘅晚餐，然後再沿海濱行左陣，仲係有啲意猶未盡，就同朋友搵左間糖水鋪坐下，吹下水咁。🔆招牌楊枝甘露食楊枝甘露最緊要夠凍，咁就啱哂天時暑熱嘅天氣。上枱嘅時候凍冰冰超正，芒果嘅味道香甜，仲有好多絲絲嘅柚子肉，而西米唔會太淋，入口爽彈，絕對係完美嘅配合。🔆榴蓮班戟榴蓮控一定會喜歡，啖啖嘅榴蓮肉十分豐富，清甜得嚟帶點甘香，而忌廉十分幼滑，兩者口感十分配合。班戟嘅外皮唔會太厚，入口軟綿綿。🔆朱古力沙冰平時食沙冰我都會食生果味道多，不過見已經有2款生果，就試下個朱古力味啦。濃濃嘅朱古力醬配合埋朱古力沙冰，味道十分香濃，配埋棉花糖食十分有層次。