影片
更多
2020-11-23
64 浏览
食物嚟講，我個人只能評為一般，但口味呢樣嘢人人唔同，你覺得好嘅我未必啱食，我覺得正你又可能話麻麻哋。既然唔係今日重點，暫且先唔討論。當時係周日晚上近10點，我哋2人嚟食晚餐，首次幫襯，食物種類都符合當晚目標，即管一試。我哋分別叫咗一份石燒吉列牛套餐、一份和牛壽喜燒套餐。10分鐘左右，2杯餐飲到咗，吉列牛套餐亦都已上齊，但壽喜燒暫時只嚟咗個gas 爐。至近30分鐘後，我份吉列牛都食咗過半，友人嘅壽喜燒仍然未上，於是舉手向侍應了解。友人：「唔該，個壽喜燒過咗好耐都未嚟，請問可否幫忙跟一跟？或者會唔會漏咗？」點知侍應小姐只回應一句：「個爐都嚟咗，唔會漏。」然後佢就走開咗。可能侍應小姐同滔滔一樣覺得，食壽喜燒/打邊爐最緊要係個爐，作為一間餐廳，食物唔到都唔緊要。OK你講到咁肯定，我哋等多一陣。再15分鐘之後，我已食晒成份吉列牛餐，友人仍未有嘢食，呢個時候剛才嗰位侍應小姐先拎住份menu行過嚟表示：「壽喜燒原來賣晒，你哋睇下想轉啲乜？」友人餓住乾等咗近40分鐘，咁大整蠱，問過又唔追，到最後如此老奉，點食得落？算...「我哋唔要了。咁杯飲品點計？」侍應小姐草草講句「errr......應該唔計」就
當時係周日晚上近10點，我哋2人嚟食晚餐，首次幫襯，食物種類都符合當晚目標，即管一試。
我哋分別叫咗一份石燒吉列牛套餐、一份和牛壽喜燒套餐。10分鐘左右，2杯餐飲到咗，吉列牛套餐亦都已上齊，但壽喜燒暫時只嚟咗個gas 爐。
至近30分鐘後，我份吉列牛都食咗過半，友人嘅壽喜燒仍然未上，於是舉手向侍應了解。
友人：「唔該，個壽喜燒過咗好耐都未嚟，請問可否幫忙跟一跟？或者會唔會漏咗？」
點知侍應小姐只回應一句：「個爐都嚟咗，唔會漏。」然後佢就走開咗。
可能侍應小姐同滔滔一樣覺得，食壽喜燒/打邊爐最緊要係個爐，作為一間餐廳，食物唔到都唔緊要。OK你講到咁肯定，我哋等多一陣。
再15分鐘之後，我已食晒成份吉列牛餐，友人仍未有嘢食，呢個時候剛才嗰位侍應小姐先拎住份menu行過嚟表示：
「壽喜燒原來賣晒，你哋睇下想轉啲乜？」友人餓住乾等咗近40分鐘，咁大整蠱，問過又唔追，到最後如此老奉，點食得落？算...
「我哋唔要了。咁杯飲品點計？」
侍應小姐草草講句「errr......應該唔計」就再消失咗。
我諗睇到呢度都唔使講落去。講真出街食飯漏單遲上時常都有，唔緊要，客人忍耐你，你尊重客人，只求好來好去啫。人係會有感受的，埋單走人，冇下次。實在係非常失望嘅一餐。
見到呢度同 社交平台有唔少正評，或者有人幸運食得高興，但我哋嘅情況就同其他留差評嘅食客一樣，最深刻就係服務態度。
見到呢間餐廳準備開分店，如果員工服務唔加強培訓，咁就祝你好運。拜託，真係唔好再令人覺得黃店唔好食/服務差，please。
张贴