今日來訪依間位於太子附近嘅靚靚居酒屋🥰 一入門口，已經有小新鳥居等緊你打卡😍 裡面仲有成大棵櫻花樹超華麗🫶 坐在榻榻米上，邊欣賞櫻花邊享受美食😚 超絕享受👍
1
㨂咗一客壽喜燒牛肉鍋😋 原個火鍋連火爐送上，除咗大量正正肥牛👍 仲有芋絲、豆腐、娃娃菜、金菇等美味配料，湯底甘甜清香，超級出色🤤
小食串燒㨂咗厚燒玉子三重奏同埋七福免治雞肉串😋 兩者都有多款醬料提供選擇👍 玉子燒🐧 就㨂咗蜜糖芥末、大阪燒同埋明太子醬❤️ 食落軟滑多汁，蛋香滿溢✅
雞肉串就㨂咗必食嘅夢之月見口味同埋海膽醬😘 脆卜卜嘅雞肉串同月見蛋配搭簡直完美😍
甜品㨂左三款日式經典😘 包括紅豆鯛魚燒、吉士今川燒同埋特濃朱古力蛋糕❤️ 鯛魚燒由餐廳自製，即叫即燒😋 上枱時熱辣辣勁香口，食落外層香脆，內裡紅豆餡甜美可口🤤
吉士今川燒圓碌碌好可愛🤭 食落充滿蛋香🫶 甜美嘅吉士香滑細膩，令人回味無窮🌟
特濃朱古力蛋糕食落鬆化軟綿，朱古力味道醇厚濃郁，甜度不高感覺高級👍 值得一試😋
