十侍 - 棉花糖A5和牛壽喜燒專門店

营业中

休息中

星期六晚同老公去旺角食壽喜燒。呢度裝修得好有日本feel，仲有種高級既感覺，一入門口就有個武士係到。而且侍應會幫你燒埋所有食材，自己唔駛動手，負責食就得。侍應首先將棉花糖融係鍋到，再加自家製壽喜燒醬汁，所以成個醬汁充滿甜味，好特別。鹿兒島黑毛和牛A5雪花分佈好靚，本身肉質已經夠嫩滑，蘸埋日本蘭王蛋食，口感變得更加順滑。野菜盛盒好豐富，有蟹棒、獅子狗、金菇、冬菇、鴻喜菇、腐皮、娃娃菜、豆腐、蔥，補充下蔬菜健康啲。另外叫左三串串燒：大蔥雞、牛舌、芝士番薯。芝士番薯第一次食，原來唔會違和，番薯軟綿綿，甜甜地，配鹹香既芝士幾得意。另外兩串都唔錯。