杉玉 (荃新天地)

营业中

休息中

放假經過壽司郎嘅居酒屋·杉玉，walk-in 經過竟然唔洗排隊，唔通熱潮已過？試吓個lunch set水準如何先🤓🔸惠比壽10貫+茶碗蒸🍣杉玉調配過嘅壽司醋飯更突顯到飽滿飯粒嘅甜味，新鮮嘅魚生油脂均勻有光澤。份量亦剛好。茶碗蒸：蒸蛋好滑，入面有蝦肉、雞肉、蜆肉、毛豆粒等等，但重點係個蛋真係好滑，食完壽司後有茶碗蒸暖暖胃好舒服。🔸大吞拿魚腩壽司🍣好肥美嘅大拖！入口慢慢溶化，充滿魚油香😋🔸壽司·湯烏東定食🍜10件壽司，同轉咗牛肉湯烏東。壽司正常發揮，加埋湯烏東份量十足，性價比高👍🏻🔸炙燒壽司🍣另外叫咗三款炙燒壽司，包括炙燒玉子、炙燒熟蝦、炙燒三文魚。燒過嘅蛋黃醬好香濃。餐廳環境以柔和木系設計，坐位闊落好舒適。如果唔洗排隊的話，確實係個舒服嘅用餐地方，唔會趕時間催你走。