杉玉 (荃新天地)

营业中

休息中

-夜晚路過荃灣，但又唔知食咩，壽司郎又太多人，最後揀咗杉玉，見到人人都推薦薯仔沙律，打卡幾靚，入面只係海苔、薯蓉再撈埋半熟蛋黃，簡單嚟講就係紫菜薯蓉，正正常常啦舟盛就有好多唔同類型嘅刺身同埋玉子燒，有三文魚子、吞拿魚、三文魚、油甘魚，都係午市嘅舟盛丼比較抵食冰綠茶就係正常日本居酒屋嘅綠茶味道天婦羅有蝦魷魚茄子番薯，比較特別嘅就係佢配以抹茶粉嚟點，個人覺得都係冇咩特別茶碗蒸有三文魚子喺表面裝飾，但正常茶碗蒸味道可爾必思梳打都係正正常常，比起凍抹茶甜好多海洋島嶼都係一碟嘅刺身，有中吞拿魚腩、吞拿魚蓉、三文魚子、三文魚、同埋赤蝦，食落新鮮性價比唔錯厚切滿滿壽司盛，呢個值得一叫，每件壽司都切到好厚，每一啖都係大滿足，特別係中吞拿魚腩同埋鰻魚，超好食，而且夠厚又有口感又大件極上鰻魚壽司，係因為我食咗切覺得杉玉嘅鰻魚比壽司郎好食好多，三款鰻魚我都覺得好好食卡達拉娜同壽司郎唔同嘅就係佢會即時用一支火槍燒俾你，不過現場燒除咗打卡方便之外，仲焦糖燶過壽司郎嘅卡達拉娜😅整體嚟講食午市都已經足夠，晚餐只有壽司set會比較抵食🫠-▶︎杉玉薯仔沙律 | $48▶︎杉玉號絕品舟盛 | $158▶︎特濃冰綠茶 | $20

試過黃埔分店嘅下午茶，中規中矩，但坐得舒服，唔趕你走😬荃灣都係因為朋友鍾意食壽司，又唔使等位 。都冇諗過同壽司郞比較，但係都唔會差咁遠個樣幾得意，但唔特別好食。海苔包住薯蓉、半熟蛋黃。撈埋一齊食，微酸，有少少草青味，食落仲有少少薯仔粒。青瓜卷上面有蟹籽、三文魚、牛油果粒。顏色吸引，冇乜特別。吞拿魚睇落唔夠新鮮，只得葱三文魚蓉嗰件較好。熟壽司好食啲。最差，用三塊有邊嘅三文魚切成，有腥味冇魚味，仲有根食咗一嚿就放棄魚、蝦、魷魚、茄子，正正常常，炸粉唔太多，亦冇食到成口油。魚湯較淡，勝在麵質爽口、蜆肉冇沙。炸粉唔厚，雞肉算嫩，但唔入味。味道偏淡，只係多咗啲三文魚籽同埋個碗靚啲。總括嚟講，冇一樣食物係出色嘅。我哋6:55坐低，侍應冇話畀我哋知7點前酒水半價，到6:59才有人搖鈴提醒食客，1分鐘都趕唔切落單，不如唔好提

「杉玉」為壽司郎旗下既居酒屋，走親民抵食路線，今日做完野就過去Happy Hour鮮榨橙汁梳打酒有半個新鮮橙卑你自己揸橙汁，梳打酒加上橙汁，好fresh呀枝豆枝豆烚熟左好清甜，唔洗任何調味都好食池魚骨脆餅（半份）半份都唔少，每條魚骨都炸到好脆，送酒一流螢光魷魚醬油漬醬油漬本身都堅咸，又係好岩送酒既一款前菜杉玉薯仔沙律呢個薯仔波外面撒上青海苔粉同烘過既蝦乾，入面仲有蛋黃，味道都幾豐富並玉（盛合）有中拖羅、赤身、三文魚、油甘魚、墨魚、熟蝦、帆立貝 & 玉子 8貫壽司，壽司飯用上赤醋，魚生亦都新鮮魚子醬壽司用上圓鰭魚魚子醬，下面鋪上吞拿魚蓉 & 壽司飯，魚子醬味道帶咸，配埋吞拿魚蓉同壽司飯就可以中和返個咸味銀鱈魚西京燒銀鱈魚本身油脂較多，所以燒完都仲好嫩滑，而味道我就覺得淡左少少食物都唔錯，價錢真係好親民，平日5pm - 7pm Happy Hour 時段酒類做半價，真係好抵呀，早收工過黎飲返杯就岩晒

聖誕節西式節日，當然就唔食西餐，杉玉越開越多分店，就趁大時大節試吓啦今次揀咗荃新天地嘅分店，訂咗6:00，餐廳都唔算多人，座位都幾闊落居酒屋當然要飲啤酒，叫咗兩個生啤套餐，一個跟薯仔沙律，另外一個跟天婦羅盛盒。薯仔沙律，值得推介，不單止賣相幾特別，味道都唔錯。天婦羅盛盒，唔記得咗影相，但係炸得都幾好，配紅鹽和抹茶鹽，食落都幾夾南蠻炸雞，炸粉就比較厚，食落就普普通通厚切伊比利豚肉，有小小煙熏味，食落幾香口，值得推介其餘壽司，我覺得普普通通，壽司飯比較散，特別係三文魚壽司，唔知點解三文魚肉質好淋，感覺唔係好新鮮整體而言，唔算抵食，杉玉係壽司為主嘅居酒屋，竟然連壽司都做得麻麻地，對佢有啲失望。所以試完今次，未必會再有下一次

下午茶時段全場得3張檯有客，我想坐得舒服d表示想坐卡位，但係帶位個職員表示卡位係6人檯，2個人唔坐得，我問佢有冇人預約，職員表示冇人預約但個張係6人檯”喎”，同時間我見到隔離張卡位坐住一家大細共3位客，下午茶時間冇乜人，所以都有大量2人檯仔可以拍埋變大檯坐多過6個人，我睇唔到需要留起呢張6人檯既迫切性，只能話帶位都係一門藝術，全場咁吉既情況，第一張帶我坐門口，第二張帶我搭台，第三下拒絕我坐卡位，即刻飽曬唔洗食，再見永不幫襯，好多時d餐廳消失左，真係唔係餐廳唔好食🙂

餐牌都幾豐富，有壽司有熟食，同埋都有唔少有新鮮感嘅items. 🍣壽司類：👌🏼金碧輝煌烏魚子鯛魚壽司 ：唔係特別食到烏魚子嘅味道，名字好grand 但味道正常冇咩特別。🥰 杉玉特製意式三文魚 ： 呢個好味，有麻油嘅香味又有少少醬油嘅味道，味道唔算濃烈得來但都惹味。😋 厚切油甘魚 ： 幾厚身同埋幾甜美，啖啖肉。☹️渾身是膽三文魚子軍艦：海膽唔OK，有浸噏味👌🏼豪華花之戀：正常味道，覺得個魚子醬冇豐富到咩味道。😋圓鰭魚魚子醬赤蝦壽司：都食到魚子醬嘅味道，呢個價位唔可以要求好高，係符合預期嘅味道。😣 炙燒海膽醬赤蝦壽司： 呢度嘅海膽唔OK，有浸up味🍤熟食/輕食類：🤔西班牙風蒜油煮雞腎：嚟到嘅時候熱辣辣，雞腎煮得太熟太燶，蒜油嘅蒜味唔特出。有啲硬硬地嘅法包片點吓油。🤔西班牙風蒜油煮帆立貝（配法包）： 帆立貝好細粒，味道正常冇咩特別。👌🏼無罪感輕爽沙律：沙律菜撈咗豉油醬油同檸檬汁。開頭食幾清爽，去到最後剩返啲豉油味道會比較鹹。👌🏼牛舌配關東煮蘿蔔：正常關東煮嘅味道，冇咩特別。❌杉玉薯仔沙律：呢個最唔掂。外型for 打卡，但係食落成浸酸薑味，好酸，再撈埋紫菜嘅味道。完全唔係預期中薯仔沙律嘅味道。雖

🍴舟盛丼 $128 另收加一 (8/10)非常豐富刺身嘅種類有好多有吞拿魚刺身，三文魚腩，青魚？油甘魚，玉子，同埋吞拿魚肉！冇諗過平時最好食嘅吞拿魚赤身都好軟腍唔會有筯位，三文魚子勁多鮮甜，刺身新鮮好食，個飯係用咗紅醋去整，比較偏酸，有得叫多飯(300g)，我就係正常200g。推薦指數: 8/10午市套餐真心好食又抵食！

午市百幾蚊食壽司食到飽，好抵食！茶碗蒸勁多料！職員有禮貌，環境舒適、食物新鮮、價錢實惠、招呼滿意！經常會嚟食晏，平日帶小朋友嚟有兒童餐選擇，兒童餐食物豐富，不錯的說！

Sugidama (Citywalk)杉玉是壽司郎迴轉壽司店的副線，主打居酒屋料理，晚上來飲杯清酒食下炸物也是很好的選擇。吞拿魚是我最喜歡的魚生，點了「全吞宴」$108共有6件，有香蔥魚蓉的也有炙燒的，質量也不錯。「海陸峰會天婦羅」日式的炸物永遠都是薄薄的脆槳唔會搶了食物的味道。極上鰻魚壽司3貫是期間限定，有炙燒鮟鱇魚肝、半溶牛油、醃蘿蔔跟忌廉芝士，三種不同味道，魚肝濃香好好味。簡簡單單一個晚餐，下次一定要約同朋友一齊來飲番杯。

第一次試「杉玉」,聽聞係壽司郎開既居酒屋🏮晚市去要等一陣，不過好彩唔算太耐入到去掃Qr code自己落單，選擇都算唔少不過座位就窄左少少渾身是膽三文魚子軍艦$58真係超多三文魚子,好滿足大啖滿足茶碗蒸$28茶碗蒸好滑，價錢平又好食魚子醬壽司 $38 (推介) 採用圓鰭魚魚子醬，底下有壽司飯，睇落好高級，但實質只要$38打卡可以呃得下人😝值得嘗鮮杉玉薯仔沙律$48 (推介) 見個樣幾特別，唸住打下卡試下，估唔到意外地好食杉玉號絕品舟盛$158魚生新鮮，肥美鮮甜特玉盛合$158大吞拿魚腩、灸燒吞拿魚腩、中吞拿魚腩、鯛魚、赤蝦、赤貝、帆立貝、鰻魚壽司同去壽司郎食既質素差唔多，唔錯🦑螢光魷魚醬油漬$48醃過既魷魚肥美鮮味，外層帶爽脆感，味道帶點咸香，送酒一流叫左咁多野，食到超飽，人均消費都係300幾，都算幾抵Like fan page 送既酒精&無酒精飲品都一般般，唔洗錢就算啦

意外行過見到又想食日本野,價錢都唔貴，晏就$80-130一個餐壽司塊肉大大舊，味道鮮甜，十貫都食到飽多左個烏東就正常味吃左個枝豆,煮同燒既時間岩岩好，正整體黎講，100蚊左右一個lunch,味道超晒班，抵食過壽司郎

原來而家杉玉做緊生日優惠‼️(不過只限正日🤥) 平日仲有happy hour半價優惠 冇諗過日本餐廳都會呢啲慶生優惠🫢 仲要有即影即有服務😂📸─ ⊹ ⊱ what we had ⊰ ⊹ ─ᡣ𐭩 鹽荔枝西柚梳打酒- 4 / 5 $24 (50% OFF)ᡣ𐭩 赤蝦蜆肉滿滿紙火鍋 - 4 / 5 $96 🉐 第一次喺香港食紙火鍋 有日本嘅感覺 🇯🇵 ᡣ𐭩 燒三文魚腩- 4.5 / 5 $34 🉐 三文魚油好香 魚皮煎得香脆😋😋ᡣ𐭩 甘鯛一夜干 - 4.5 / 5 $38 🉐 鍾意食魚嘅朋友一定要嗌呢個 魚肉晶瑩剔透 好鮮甜ᡣ𐭩 蔥花吞拿魚冷豆腐 - 3.5 / 5 $28ᡣ𐭩 海上鮮島 $68 - 4 / 5 🉐 cp值高ᡣ𐭩 三文魚帆立貝刺身盛 - 3 / 5 $ 88 呢個比較普通 壽司郎好食啲🤥─ ⊹ ⊱ tldr ⊰ ⊹ ─呢兩個優惠幾抵 嚟緊九月生日可以帶朋友嚟食🤭 食物質素都對得住價錢味道: 4 / 5價錢: $ 100-200 pp服務: 4 / 5 (適合慶祝生日) (荃灣店服務幾好🤭)環境: 4 / 5cp value: 4 / 5re-visit: はい~

下午時間，朋友想食日本野，咁啱行到尼呢間，所以試下，Open Rice睇以為好多選擇，仲見有兒童套餐。入到去要掃Qr code自己落單，發現選擇好少😅同埋唔見兒童套餐，可能晚餐先有呱，單點既壽司亦好少款式，同埋覺得單點偏貴，唔抵食，另外套餐可以追加烏冬，雖然烏冬份量有啲少，大概夠一個小朋友食，味道都唔錯；咁啱撞正有生日優惠，follow佢地既fb或ig有野送，不過必須要生日正日，好彩朋友既小孩係正日，所以送到，都幾開心既，有張即影即有送埋😉食物質素覺得唔錯既，都幾新鮮，上菜速度快同埋擺盤靚，飯既份量仲可以選擇少、正常、多，呢個係幾貼心既；但唔知點解個麵豉湯有啲苦味同燒焦味….好奇怪，飲左幾啖就冇飲….如果多返多啲選擇可能會再起食。

第一次試超人氣壽司店- 壽司郎名下既居酒屋, 收工過黎唔洗等位!! 重點MENU 既設計同係日本既居酒屋差不多, 見到都覺得興奮好多款式可以選擇, 開心過去食壽司郎WOR!原來直到7點都有HAPPY HOUR, 飲品有半價呀! 即刻嗌返2杯唔好蝕~!!呢個真心推介有驚喜~!!魚子醬+吞拿魚 底下有壽司飯, 睇落好似幾高級WOR, 邊敢相信佢只係值$38!! 嗌黎打卡都抵呀!炸池魚實物比圖片大, 剛炸好拎出黎, 外脆內軟, 炸到可以連埋條尾食, 如果加沙律醬應該仲好食呢~~! 山藥海鰻壽司呢樣平時壽司郎都未見過,好特別因為我自己好鐘意食海鰻, 同時又好鐘意食山藥其實無諗過可以將兩樣夾埋一齊, 意外地又幾夾!催淚壽司呀!呢個要小心呀! 因為MENU無簡介…睇落張相幾吸引原來… 催淚既意思係爆多WASABI呀!!!中左伏….辣死左

話係話壽司郎居酒屋，但裝修好靚。兩個人去食俾咗張八人枱，仲要係包廂。所有碗碟杯好有質量。嗌咗兩個lunch set 三文魚丼同壽司拼盤，分量唔少，食完都幾飽下。計番仲平過平時去壽司郎食，幾抵！