峰壽司 (已結業)

今次第3次來了, 5:45拿籌7點就入到去食了, 算係等左好耐, 好彩呢個幾鐘係用左去行街.入到去冇人倒茶比我, 要開口叫先識, 呢間野成日唔夠伙記.之後食食下有個女伙記大大聲話"邊個要斟茶?"...下...乜現在要d客人主動叫番你去斟茶, 唔係你主動去睇下邊個冇茶呀...d服務愈來愈差.講番d壽司, 發覺壽司舊飯好似好細件, 同我第一次去細左3份1到, 所以要食多幾碟先飽, 變相加左價, 但好彩壽司上件魚生冇變細.覺得d三文魚壽司最好食, 可能上面加左d洋蔥同蔥, d味感覺唔同.另外海膽壽司都唔錯, 算新鮮, 其他野普普通通.