影片
更多
2019-09-26
520 浏览
平時打邊爐都算多，有咁多新鮮海鮮嘅就真係少見！呢間火鍋店成日都好爆滿，唔提早訂位分分鐘冇得食，今次提早book位，唔使等位就有得食。今次入到去裏面已經有好多人啊！原來呢度除咗基本嘅火鍋之外，仲可以升級唔同美食，豐儉由人，因為今次想食好啲，就試吓升級啦！首先揀湯底可以食雞煲或者直接打邊爐，我哋重點想打邊爐所以就直接揀咗兩款湯底，包括沙嗲湯及芫荽皮蛋湯，沙嗲湯口味比較濃郁，芫荽皮蛋湯味道比較清新。任食刺身每位就需要加$30 ，不過刺身選擇都好多，包括成日都會見到嘅甜蝦、三文魚、希靈魚、赤貝等等，估唔到都幾新鮮！特別係啲甜蝦你會見到佢好晶凝通透，最少都有放題嘅質素！仲可以不停食添！因為我哋都好鍾意食海鮮，每位加$58就可以好豐富地升級海鮮，呢個海鮮原來要兩人起先可以叫，所以一個人打邊爐係唔可以升級！裏面有好多生猛海鮮，鮮蝦同埋鮑魚都仲識郁，其他例如龍蝦、青口、蜆肉、帶子、聖子、翡翠螺等等⋯見到都係非常新鮮同埋大隻！仲有一兜靚靚嘅牛肉，見到花紋分布適中，每一片size均等，牛味十足。食咗個超多嘢食嘅海鮮拼盤同埋任食刺身之後，個胃已經少咗好多空間，之後雖然都知道任食餐牌有好多選擇，還是隨意選了幾
平時打邊爐都算多，有咁多新鮮海鮮嘅就真係少見！
呢間火鍋店成日都好爆滿，唔提早訂位分分鐘冇得食，今次提早book位，唔使等位就有得食。今次入到去裏面已經有好多人啊！
原來呢度除咗基本嘅火鍋之外，仲可以升級唔同美食，豐儉由人，因為今次想食好啲，就試吓升級啦！
首先揀湯底可以食雞煲或者直接打邊爐，我哋重點想打邊爐所以就直接揀咗兩款湯底，包括沙嗲湯及芫荽皮蛋湯，沙嗲湯口味比較濃郁，芫荽皮蛋湯味道比較清新。
任食刺身每位就需要加$30 ，不過刺身選擇都好多，包括成日都會見到嘅甜蝦、三文魚、希靈魚、赤貝等等，估唔到都幾新鮮！特別係啲甜蝦你會見到佢好晶凝通透，最少都有放題嘅質素！仲可以不停食添！
因為我哋都好鍾意食海鮮，每位加$58就可以好豐富地升級海鮮，呢個海鮮原來要兩人起先可以叫，所以一個人打邊爐係唔可以升級！裏面有好多生猛海鮮，鮮蝦同埋鮑魚都仲識郁，其他例如龍蝦、青口、蜆肉、帶子、聖子、翡翠螺等等⋯見到都係非常新鮮同埋大隻！
仲有一兜靚靚嘅牛肉，見到花紋分布適中，每一片size均等，牛味十足。
食咗個超多嘢食嘅海鮮拼盤同埋任食刺身之後，個胃已經少咗好多空間，之後雖然都知道任食餐牌有好多選擇，還是隨意選了幾款。
火鍋任食當然不少得任飲，飲品有好多選擇，平時見唔到嘅呢度都一樣有，如果鍾意食甜品嘅可以留肚，特別牌子雪糕甚至乎特別啲嘅榴槤味雪條都有，都幾得意。
张贴
