串得喜 (已結業)

同家姐出咗土瓜灣辦點事情，攪掂啲嘢已經六點左右。於是決定係附近食埋飯先迫屋企。於是周圍逛逛睇吓有乜嘢好食。結果見到呢間小店，感覺不錯，決定試吓。六點尚早客人不太多，餐廳有五張四人枱。小店主打有串燒、雞煲及烤魚。串燒種類足、有肉、蔬菜及時令海鮮。更有是日精選。小店亦供應火鍋配料，食完雞煲及烤魚，仲可以打埋邊爐。突然想食羊肉，於是先點了份《烤羊肉串》（2串$28），羊肉串加咗孜然粉，烤得剛剛好，不會太乾，入口羊肉味濃。串燒不錯，下次可以再來。因為今次比較想食烤魚，烤魚有四款口味，我哋揀咗《港式麻辣烤魚》（$268/原條），家姐同我都食得辣，所以選了大辣。配菜有豆卜、芽菜、芫茜等配菜。開住爐一邊煮一邊食，既可保持溫度，又可加火鍋配料打埋邊爐。兩個人怕食唔曬，所以我哋只加咗一份萵荀。萵荀吸收了香濃湯底更加好味。烤魚越煮越香辣，十分惹味過癮。食串燒同辣野，當然唔少得啤酒啦，結果不經不覺兩個人最後飲咗七支大啤。餐廳越夜越多客。氣氛非常熱鬧，真心一間不錯小店。