黃明記粥粉麵家 (已搬遷) 新店位置

#小秘書 今日又成功掹衫尾走咗入 香港迪士尼樂園 | Hong Kong Disneyland 玩咗大半日🎃 正所謂年紀大機器壞，全日流流就只係食咗個早餐+一個麵包，就捱到差唔多夜晚八九點，真係餓到個肚打鼓😅好在 #敏敏 英明，好快就幫我哋決定咗今晚到去 黃明記粥粉麵家 醫肚，可惜我哋搭咗車、司機首車又chok... 難搞！幾經辛苦，我哋終於到 #黃明記 。#敏敏 話 #黃明記 啲 #墨魚丸尖（銀針粉）🐙 好得👍🏻 #小秘書 當然照跟啦😄 手打嘅 #墨魚丸 好鮮味，師傅似乎係用真正嘅墨魚肉打成嘅，湯底以中國芹菜、乾蒜吊味，口味好傳統😌 份量唔算多，所以我哋加 #油菜 之餘，仲要再加多個 #及弟粥 先夠喉🤣 粥底都唔錯嘅... 係浠咗啲囉！食埋半碗粥🥣，#小秘書 已經飽到上心口... 太高估自己食力添🤩