願榮光咖啡館 (已結業)

去開PMQ , 上「開飯喇」睇睇有乜嘢好食，竟然發現呢間極度隱世黃店。新聞剛剛傳來「教協」都俾政府打壓，咪同個friend 去呢間應該黃到發光既中環小店支持吓。《願榮光》既位置，的確要有心人才會搵到佢哋，不過一入店就播緊《願榮光歸香港》，社運既記憶番曬嚟，亦佩服佢哋咁勇孭住呢個招牌，多多少少擔心店內既後生仔會俾人搞。點左《炸蝦定食》，伴洋蔥豚肉，蜆肉沙律，味噌湯；十分鐘內上菜，炸蝦正常，我自己反而覺得伴菜《洋蒽豚肉》比主菜更容易送飯 （紫菜飯）朋友點了《富士山御結》，必點打咭食物；紅色富士山肉鬆沙律少少甜，藍色螌肉少少咸。朋友覺得不論肉鬆或蟹肉也較少。總結：趁我們仍可以，食裝飾食環境食服務食感覺。 隱世黃店，服務細心。