影片
更多
2021-10-04
257 浏览
今天同屋企人慶祝生日，諗住近近哋就揀咗呢間，下晝打去book位，當時冇講到90分鐘要還枱，轉頭打去問可唔可以早到，點知佢先話90分鐘要還枱，如果佢一早講就唔去喇，諗住算數90分鐘都照去因為已約好 屋企人去到先，接待處姐姐超級冇禮貌，同佢講book咗位幾點幾位，唔答唔彩人繼續做佢自己要做嘅嘢，然後做完佢自己嘅嘢就叫我屋企人你企過去嗰邊等陣啦，然後佢就帶另外兩位入去，一直冇出過嚟，然後到齊曬人就有另一位男侍應出嚟，點知一開始就係話一定要叫一個4-5人餐，或者單點餐牌上四個項目，然後我話ok，入到去睇餐牌唔想諗就叫個4-5人餐$1588，食物就係下圖，肉只有10零塊薄片，落枱亦無介紹邊款肉係咩唻，最後甜品係唔知乜嘢嘅蛋糕，冇食到所以唔知好唔好味，接待處姐姐入咗餐廳幫手，叫佢諗住問佢嘢，點知應完叫我地等陣，就冇埋個枱，然後之後見佢行過都會眼啤啤，呢啲女侍應真係好神奇1.醬油虾係生食，但係完全唔新鮮有腥臭味， 諗住試下先熟但啲肉係霉嘅，你畀人生食嘅嘢 點可能唔新鮮🤦2.加多咗個海鮮豆腐湯，好神奇，豆腐湯好熱 出曬煙，但係裏面兩隻蜆完全唔開口，即係又 係唔新鮮3.
屋企人去到先，接待處姐姐超級冇禮貌，同佢講book咗位幾點幾位，唔答唔彩人繼續做佢自己要做嘅嘢，然後做完佢自己嘅嘢就叫我屋企人你企過去嗰邊等陣啦，然後佢就帶另外兩位入去，一直冇出過嚟，然後到齊曬人就有另一位男侍應出嚟，點知一開始就係話一定要叫一個4-5人餐，或者單點餐牌上四個項目，然後我話ok，入到去睇餐牌唔想諗就叫個4-5人餐$1588，食物就係下圖，肉只有10零塊薄片，落枱亦無介紹邊款肉係咩唻，最後甜品係唔知乜嘢嘅蛋糕，冇食到所以唔知好唔好味，接待處姐姐入咗餐廳幫手，叫佢諗住問佢嘢，點知應完叫我地等陣，就冇埋個枱，然後之後見佢行過都會眼啤啤，呢啲女侍應真係好神奇
1.醬油虾係生食，但係完全唔新鮮有腥臭味，
諗住試下先熟但啲肉係霉嘅，你畀人生食嘅嘢
點可能唔新鮮🤦
2.加多咗個海鮮豆腐湯，好神奇，豆腐湯好熱
出曬煙，但係裏面兩隻蜆完全唔開口，即係又
係唔新鮮
3. 個餐有個海鮮煎餅，完全冇味，咬落去淨係
食到粉味
4.d肉真心講好普通，仲有根扯唔開
5.最正常係個鰻魚飯，一人小半碗飯，然後一
千零一舊小鰻魚.
6.海鮮豆腐湯好神奇，唔知點解會有出前一丁
嘅味道🤣🤣
7.前菜有一碟冷盤牛舌，硬到食唔出係咩
最後問佢哋有冇經理，接待處姐姐加個男同事一齊過嚟，完全答我唔到有冇經理，真係吹脹，最後有位男侍應過嚟幫我跟進醬油蝦同埋個湯，個湯拎入去再出返嚟，一隻蜆開口另一隻就變咗一隻青口，個男侍應就話停產之後都唔會再出畀客人，然後送咗幾片肉畀我哋，男侍應都好識做，做咗75折，最好笑就係呢位男侍應一直都冇介紹個自己係經理🤣最後我問佢你哋呢度有冇經理，佢答我我係，即時覺得好尷尬，本身係想投訴個接待處姐姐，最後太尷尬都冇講
總括嚟講，呢間餐廳根本唔會再去，收啲咁嘅價錢，食啲咁嘅質素，有啲咁嘅服務態度，仲要限時入座，食物質素又差，仲要限住你一定要叫咩食，我真係去食放題好過啦，最後做咗個折頭，平咗$400，條氣都順番一半，但係呢餐生日飯真係超級唔開心，伏到一個點😤
唔知d like點唻，可能係我唔識欣賞唔食啦🤣
食物仲要一次過出曬，根本就食唔切，真係衰過放題，最好笑就係，沙律同醬油蝦係冷盤，侍應就即刻燒肉，燒完肉就燒鰻魚，最後個冷盤係等侍應燒曬嘢我哋先食到，真係笑唔出🤦
2 浏览
0 赞好
0 留言
0 浏览
0 赞好
0 留言
张贴
