影片
更多
2022-04-01
1011 浏览
難得過海，又外賣左Dough Bros 返屋企 ！Pizza第二日返焗，酸種麵糰依然煙韌有彈性，好有口感。喺舖頭都有開放式廚房，見到店員即點即整，全人手搓，所以食落好有咬口，入口富麵粉香！我哋買咗兩個Pizza，The Truffle係素食，黑松露底，有水牛芝士、巴馬臣芝士、雜錦蘑菇同火箭菜，黑松露味道好香，食嘅時候再dip埋Truffle Mayo Sauce，黑松露香好突岀好creamy ， 係我食過Dough Bros 5款口味中最鍾意既一款！老公則最鍾意The Big BBQ，有肉丸、辣肉腸、燒烤腸、意大利煙燻腸、牛至草、水牛芝士，啖啖肉啱晒食肉獸 ！ Pizza本身已有BBQ sauce，想濃味d口感濕潤d可以再dip BBQ sauce，但我覺得dip sweet chili sauce 同garlic sauce 都好夾！Dip唔同嘅醬就有唔同嘅風味，好似一次過試咗幾款口味咁！呢度嘅dips好多口味，包括：Garlic Herb、Truffle Mayo、Smokey Barbecue及Sweet Chilli，想試晒可以問店員一次過攞晒四款！除咗Pizza之外，呢度嘅
Pizza第二日返焗，酸種麵糰依然煙韌有彈性，好有口感。喺舖頭都有開放式廚房，見到店員即點即整，全人手搓，所以食落好有咬口，入口富麵粉香！
我哋買咗兩個Pizza，The Truffle係素食，黑松露底，有水牛芝士、巴馬臣芝士、雜錦蘑菇同火箭菜，黑松露味道好香，食嘅時候再dip埋Truffle Mayo Sauce，黑松露香好突岀好creamy ， 係我食過Dough Bros 5款口味中最鍾意既一款！
老公則最鍾意The Big BBQ，有肉丸、辣肉腸、燒烤腸、意大利煙燻腸、牛至草、水牛芝士，啖啖肉啱晒食肉獸 ！ Pizza本身已有BBQ sauce，想濃味d口感濕潤d可以再dip BBQ sauce，但我覺得dip sweet chili sauce 同garlic sauce 都好夾！Dip唔同嘅醬就有唔同嘅風味，好似一次過試咗幾款口味咁！呢度嘅dips好多口味，包括：Garlic Herb、Truffle Mayo、Smokey Barbecue及Sweet Chilli，想試晒可以問店員一次過攞晒四款！
除咗Pizza之外，呢度嘅doughnuts絕對唔可以錯過！ 同Pizza一樣，都係用秘製嘅酸種同麵團配方製作，而且都係即叫即炸，趁熱食好食好多！ 而家已經出咗7隻口味，試過最新出嘅Cappuccino 同Caramel Twist，但我最愛嘅都係招牌Nutella 同Custard！ Doughnuts即叫即炸，灑滿糖粉，內餡濃厚爆漿，兩款都唔太甜，而且雖然係炸過，但油膩感唔太重，好食！雖然好邪惡，但飯後食真係超級滿足～
PS. 店員真係超nice，知我鍾意食dip主動俾曬所有口味嘅sauce我，都服務好好！
张贴
