影片
营业时间
今日营业
11:00 - 22:30
星期一至日
11:00 - 22:30
以上资料只供参考，请与餐厅确认详情
相关文章
Dough Bros啲酸种pizza真系食极都唔厌，比传统嘅冇咁油，饼皮焗到香脆﹐入面又好软熟，私心最钟意佢个蒜蓉酱（试过其他酱都系最爱佢）！每次食都新鲜焗起，热辣辣超正！见佢哋开越多分店都开心，以前要食都唔系咁容易🤣—— The Maui Wowie $158呢款有烟熏火腿、菠萝、夏威夷香肠同大量芝士，食落超满足劲多料，依个经典配搭次次食都叫！同埋一定要大大啖车啲蒜蓉酱(嗌pizza就会送埋），同依款系最夹！—— The Parma 2.0 $168上面铺满咗意大利巴马火腿、巨量火箭菜同香草烤蘑菇，味道咸香，火腿大大块一啲都唔孤寒🤣—— 炸单骨鸡翼 $88小食最钟意依款！外皮好酥脆，够入味，单骨完全系懒人恩物，食起嚟好方便！—— 炸薯球 $58外层炸得金黄，内里软糯，口感超丰富，配搭pizza定就咁食都好好味！🌟推荐指数：10/10‼️▫️▫️▫️▫️▫️▫️▫️▫️▫️▫️▫️▫️▫️ 📍 Dough Bros Pizza & Doughnuts (鲗鱼涌)鲗鱼涌海湾街4-6号嘉荣大厦地下7号舖
继续阅读
复活节长假一家人想食pizza透过外卖平台系doughbros叫左个餐，pizza拣左supreme pepperoni 然后送到黎…个pizza系仲热既但成个pizza都系㶶晒边，黑色既。我地真系好饿就试下食其中一块，结果翻著个底都系㶶，成块pizza好苦（讲紧pepperoni都几咸）。打去餐厅几次都无人听。经外卖平台比晒相都唔肯退款或者换pizza.无谂过食左咁多年会差左咁多。同一个餐既其他食物包括炸鸡粒同donut就正常发挥。但成个正餐pizza系食唔到，讲紧个pizza$150左右唔算多但doughbros 鲗鱼涌分店完全唔处理唔听电话。直接reject 我地pizza refund request. 大家去呢间分店叫pizza 一定要当场check。
继续阅读
好钟意食冬甩所以见到Dough Bros. Pizza & Doughnuts有卖冬甩，就买咗两个试吓虽然价钱真系唔平但总算叫试过佢嘅酱料非常多一咬落去爆晒汁而且热辣辣即叫即整😋
继续阅读
Dough Bros Pizza & Doughnuts📍鲗鱼涌海湾街4-6号嘉荣大厦地下7号舖难得同朋友夹到时间聚会，大家都好有共识，宁愿俾贵少少叫外卖速递，都唔想嘥时间去餐厅排队食饭。朋友话附近有间我想食好耐嘅连锁pizza店，可以趁人多叫多几款口味，难得一遇嘅机会，我当然有好好把握喇，所以我哋就叫晒Dough Bros最受欢迎嘅两款食品──手工酸种pizza同爆酱冬甩。 💰$385.2 (堂食价)分享套餐 （2－4人）👨👩👧👦呢个套餐包含两款pizzas、三款dounuts同两款饮品。伏特加酱鸡肉薄饼 🍕第一款pizza我哋拣咗期间限定嘅伏特加酱鸡肉薄饼，用上招牌手工酸种面团 ，搭配水牛芝士、鸡肉、橄榄、甜椒、红洋葱同脆罗勒，打造成微辣浓香嘅pizza。Dough Bros嘅pizzas最与别不同嘅地方，就系选用咗手工酸种面团制作饼底，打开盒盖会闻到好轻微嘅酸气，食落口后慢慢转成甘甜味，口感丰盈有嚼口，唔会过干过硬，的确好出色。呢款口味各种配料份量平均，唔会有边种食材特别出众，就咁食个pizza会觉得普普通通，但一点咗佢嘅神级蒜蓉及香草酱，即刻好食到飞起，唔信嘅你自己试下！卡邦尼薄饼 🍕另一款pizza由我发办，我就梗系要试下啲特色嘢啦！我拣咗特色薄饼系列入面嘅Carbonara pizza，整个pizza有满满嘅Carbonara sauce、Mozzarella cheese、意式bacon、黄金蛋黄、Parmesan cheese、黑胡椒同新鲜Parsley，味道同一般嘅Carbonara差不多，但配pizza食，我就真系第一次啦！可能因为我本身就超级钟意食Carbonara，所以我觉得呢款口味好好食，芝士香醇得嚟唔油腻，重口味人士仲可以用pizza crust点酱嚟食，简直无得输！爆酱冬甩 🍩甜品方面，有大家都好期待嘅爆酱冬甩，当日有好几款口味，朋友们想食最classic嘅nutella，而我就想试试比较少见嘅开心果白朱古力。点讲呢，虽然我系好钟意食甜品，冬甩亦唔系我抗拒嘅嘢食，但呢款冬甩真系唔太啱我口味。首先，佢声称爆酱，望落都好似满到咇晒出嚟，但其实入面嘅馅唔系好多，顶准系比一般有馅嘅冬甩多啲啲，已经系第一个失望位。其次就系佢嘅口感同味道都无太大记忆点，外皮炸得唔够喉咁，无沾到酱嘅内馅有少少干同粉，表面嘅砂糖亦加唔到分。最后就系开心果白朱古力，无开心果味之余，食真啲仲有阵酸酸哋嘅味道，希望唔系坏咗先系咁啦。冬甩整体质素平平，但索价$38一件，真系唔多抵食。
继续阅读
之前已经食过呢间pizza好多次 觉得唔错 所以近排又再encore😚𝑃𝑖𝑧𝑧𝑎𝑠 (𝐻𝑎𝑙𝑓 𝑁’ 𝐻𝑎𝑙𝑓 $168)👅𝑇ℎ𝑒 𝑃𝑒𝑝𝑝𝑒𝑟𝑜𝑛𝑖 $138呢个真系好食 薄饼烟韧有咬口😆佢用辣肉肠作为配料 食完都唔会觉得漏 正🤤👅𝑇ℎ𝑒 𝑀𝑒𝑎𝑡 𝐿𝑜𝑣𝑒𝑟𝑠 $158呢款啱晒食用兽 肉类好丰富🤩有烟肉 鸡肉 火腿 牛肉 仲有蘑菇粒 口感十足 好食😍👅𝑇ℎ𝑒 𝐶𝑎𝑟𝑏𝑜𝑛𝑎𝑟𝑎 $168呢个都好啱我哋食 所以都叫过几次 有邪恶嘅蛋汁 同埋烟肉粒几香 整体食落真系似卡邦尼😛𝐷𝑜𝑛𝑢𝑡𝑠 👅𝑁𝑢𝑡𝑒𝑙𝑙𝑎 $38呢个又系我哋每次都会叫嘅嘢 钟意食榛子朱古力嘅必定要试‼️Donuts咬落软熟 出面布满糖粒 加上流心榛子酱 好好食😋👅𝐿𝑒𝑚𝑜𝑛 𝑃𝑖𝑒 $38食落似柠檬芝士蛋糕嘅味道 酱汁比Nutella更加流质 总括嚟讲 呢间嘅pizza同donuts都好有水准 叫外卖开party一定要试吓啦🥰😋 好味：9.19/10🤑 价钱：8.00/10🤗 服务：7.87/10😝 环境：7.78/10😚 衞生：7.65/10🤩 整体：9.05/10
继续阅读