名城海鮮火鍋酒家 (已結業)

早幾日同幾個老友幫襯，我都係第一次。老友叫左三五七碟一級牛肉，魚滑，丸，菜等，還叫了條紅瓜子，條魚好正。三五知己摸住酒杯底吃了兩個多鐘頭，埋單每人要成四百，不過又酒又海鮮，加埋食物水準都算上成，服務都OK，老闆娘又鬼咁熱誠招呼，都覺得抵食。本來食到身興興，諗住出去上車都可以暖凹凹，點知埋單要等成十分鐘有多。不過好彩一行出門口，代客泊車早已將我地兩架車預備好，問問收幾多貼士，佢話三十蚊一架，（加埋結帳時收三十蚊一架）都係六十元，食成三個鐘都算合理，我就俾夠一百蚊貼士。我諗第日都會再去。